Бэлиитикэ Сүрүн

Саина Григорьева: “Ийэ сыла биллэриллибитэ үчүгэй”

СӨ Ил Дархана Айсен Николаев Анал этиитигэр, Уус Алдан улууһун Бэйдиҥэ сэлиэнньэтин олохтооҕо, оҕо иитэр дьиэ кэргэн ийэтэ Саина Григорьева санаатын үллэһиннэ.

edersaas.ru

Манна даҕатан эттэххэ, Григорьевтар кыыстара Дайаана аҕыйах хонуктааҕыта Бүтүн Арассыыйатааҕы “Miss World Russia” кэрэчээн кыргыттар куонкурустарыгар, 12-14 саастаахтарга үс номинацияны — IV Вице Мисс Youn Russia World, “Национальнай көстүүм”, “Кэрэ мичээр” ылан Саха сирин олохтоохторун үөрдэн турар.

Биһиги ыал 11 оҕолоохпут. Элбэх оҕолоох дьиэ кэргэн Ил Дархан хас даҕаны этиитин сэҥээрэ иһиттибит. Онтон үс түгэни ойуччу тутуохпун сөп. Бастакытынан, 2022 сылы Ийэ сылынан биллэрбитэ олус үчүгэй. Бэлиэ сылынан туох эрэ хамсааһын тахсыа, түмүктээх дьаһал ылыллыа диэн эрэйэбит.

Иккиһинэн, өрөспүүбүлүкэбит 100 сылынан хас биирдии төрөөбүт оҕоҕо 100-түү тыһыынча солкуобайы биэрэллэрэ, ону каартаҕа ыыталлара улахан көҕүлээһин буолар. Орто дойдуга кэлбит оҕо номнуо бастакы тус хаппытаалланар.

Үсүһүнэн, оҕо иитэр ыал буоларбыт быһыытынан, манньабытын (вознаграждение) үрдэтэргэ диэбитин сөбүлүү иһиттибит, — диэн эттэ.

 

Людмила ПОПОВА, “Саха сирэ” хаһыат, edersaas.ru

Хаартыска: Саина Григорьева тиксэриитэ

2
0