Үлэлээх киһи — дьиэ кэргэн бигэ туруга, күүстээх тутула буолар. Судаарыстыба сүрүн соруга — нэһилиэнньэ дьарыктаах буолуута. Оттон нэһилиэнньэ дьарыктаах буолуутун туһунан сөптөөх иһитиннэриини олохтоохтортон ыйыталаһар ордук.
Ол чэрчитинэн, Судаарыстыбаннай статистика федеральнай сулууспатын Саха Өрөспүүбүлүкэтигэр территориальнай уоргана (Сахастат) нэһилиэнньэ дьарыктаах буолуутугар чинчийиини тэрийэн ыытар. Бу чиничийии түмүгүнэн дьон үлэнэн хааччыллыытын, сүрүн дьарыгын, үлэтэ суох буолуутун, үөрэҕэ суоҕун, олоҕун туругун быһаарыахтара.
Өрөспүүбүлүкэ үрдүнэн ый аайы куоракка уонна тыаҕа олорор 300-чэ ыал барыллаан чинчийиигэ кыттыаҕа. 2019 сыл бэс ыйыгар маннык чинчийии өрөспүүбүлүкэбит аҕыс улууһугар ыытыллыаҕа: Кэбээйи улууһа (Арҕас), Мииринэй улууһа (Арыылаах), Нам улууһа (Нам), Өлүөхүмэ улууһа (Абаҕа), Таатта улууһа (Ытык Күөл), Дьокуускайга (181 хаһаайыстыбаны), Мииринэйгэ, Бүлүүгэ, Нерюнгригэ, Уус Маайа улууһун Элдьикээн бөһүөлэгэр.
Чинчийиини анал үөрэхтээх киһи ыалларынан кэрийэ сылдьан ыытыаҕа. Ыйытыылардаах дьон 8-4112-42-33-31 нүөмэринэн Сахастат уорганыгар эрийэн, бигэргэттэриэхтэрин сөп. Дьиэ кэргэн хас биирдии 15 сааһын туолбут чилиэнэ ыйытыкка кыттыаҕа. Дьон ыйытыыга эппиэттээбит хорйудара кистэлэҥҥэ тутуллаллар, арай уопсай түмүк тахсарыгар ааҕыллыахтара. Кэтээн көрүү түмүгэр нэһилиэнньэ үлэнэн хааччыллыыта уонна үлэтэ суох дьон ахсаана тахсар.
Хас ый аайы чинчийии түмүгүн Сахастат бэйэтин саайтыгар http://www.gks.ru «Официальная статистика. Рынок труда» диэн сирэйгэ тахсар.