«СахаСпецТранс» тэрилтэҕэ ким дириэктэринэн ананна?
“СахаСпецТранс” тэрилтэҕэ Дмитрий Викторович Аммосов саҥа дириэктэринэн ананна. Саҥа салайааччыны “СӨ ОДьКХ” ГУП генеральнай дириэктэрэ Виталий Чикачев кэлэктиипкэ билиһиннэрдэ.
Дмитрий Аммосов дьиэ-уот хомунаалынай хаһаайыстыбатыгар үлэлээбитэ уонтан тахса сыл буолла. 2018 сылтан кини тустаах ГУП Муоматааҕы филиалын дириэктэринэн, бу иннинэ Өлөөн уонна Муома филиалларын кылаабынай инженеринэн үлэлээбитэ.
Мунньахха Виталий Чикачев эдэр салайааччыга үлэтигэр ситиһиини уонна оройуоннарга тиэйии үлэтин суһаллык ыыталларыгар баҕарда.
“СахаСпецТранс” тэрилтэ оттук ресурсаларын, ууну тиэйиигэ уонна “СӨ ОДьКХ” ГУП филиалларын хочуолунайдарын кэлимсэ хааччыйыыга технологическай үлэлэри ыытар. Маны сэргэ суол-тутуу үлэтигэр бэйэтин анал тиэхиньикэтин туһанан ыытар, эбийиэктэри тутар уонна өрөмүөннүүр.
“СӨ ОДьКХ” ГУП пресс-сулууспатын матырыйаалынан
Бэлэмнээтэ Женни Стрюкова
Хаартыска: тустаах саайтан