Уопсастыба

Саха сиригэр 90 тыһыынча киһи электроннай үлэ киниискэтин өҥөтүгэр көспүт

Электроннай үлэ киниискэтигэр көһүү Арассыыйаҕа 2020 сыл тохсунньу 1 күнүттэн саҕаламмыта.  Үлэлии сылдьар дьон электроннай докумуоҥҥа баҕа өттүнэн көһөр буоллахтарына, 2021 сылтан үлэҕэ аан бастакытын киирээччилэргэ электроннай киниискэ тута оҥоһуллар.  Билиҥҥи туругунан, Саха сирин үрдүнэн 90 тыһыынча киһи  электроннай үлэ киниискэтин өҥөтүгэр көспүт.

Электроннай киниискэ туһунан сибидиэнньэни көрөр инниттэн  Арассыыйа Биэнсийэтин пуондатын сайтыгар (www.pfr.gov.ru) киириллэр:

  1. Тус кэбиниэккэ киириллэр. «Электронная трудовая книжка» диэн түһүмэххэ «Заказать справку» диэни баттаатахха, үлэ туһунан  тахсар.
  2. «Сведения о трудовой деятельности, предоставляемые из информационных ресурсов ПФР» диэн түһүмэххэ киирэн, «Запросить» диэни баттаатахха, үлэ туһунан сибидиэнньэ тахсар.
  3. Салгыы үлэ туһунан сибидиэнньэ толору выпискатын ылыллар.

Өссө маннык ньыма баар:

1. Арассыыйа Биэнсийэтин пуондатын сайтыгар (pfr.gov.ru) «Электронная трудовая книжка» диэн түһүмэххэ киириллэр уонна «Проверить историю своей трудовой деятельности» диэни баттаныллар.

2. Салгыы Судаарыстыбаннай өҥө порталыгар көһүөххүт. Онно анал түһүмэххэ киирэн,  үлэ туһунан сибиэнньэни ыыттарар кыах бэриллэр.

Ити икки ньыма көмөтүнэн үлэ туһунан сибидиэнньэ эһиги ыйбыт электроннай аадырыскытыгар тиийиэҕэ.

 

0
0
Telegram @edersaas20