Сэтинньи 20 күнүнээҕи туругунан, өрөспүүбүлүкэҕэ 220 киһи коронавируһунан ыарыйда. Ол туһунан доруобуйа харыстабылын миниистирэ Елена Борисова брифиҥҥэ иһитиннэрдэ.
Ол иһигэр, Дьокуускайга – 120, ону тэҥэ, өссө 28 улууска, ол иһигэр Ньурба улууһугар 11 киһи ыалдьыбыта бигэргэннэ. Билигин өрөспүүбүлүкэҕэ коронавируһунан ыалдьыбыт дьоҥҥо аналлаах 3001 куойка баар. Наада буоллаҕына, өссө эбиллиэн сөп.
Елена Афраимовна бэлиэтээбитинэн, сүрүннээн улахан дьон коронавируһунан ыалдьаллар. Оҕо ыалдьыыта – 11%, олортон балыыһаҕа 3%-ра эмтэнэр.
Миниистир Ил Дархан алтынньытааҕы ыйааҕа үлэлиирин санатта, ол курдук, тумуулаабыт дьону кытары хантаактаспыт дьон дьиэҕэ олоруохтаахтар, үлэлиэхтээхтэр.
Кирииби утары вакцинация салҕанар. “Ахсынньыгы кириип ыарыыта өрө туруоҕа, онтон харысхаллаах буоларга вакцина эрэ көмөлөһүөҕэ”, — диэн Елена Борисова эттэ.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1