2020 сыллааҕы навигацияҕа хампаанньа 84 тыһыынча туонна ньиэп бородууктатын тиэйиэхтээх. Бэс ыйын 16 күнүнээҕи туругунан 35 тыһ. тахса туонна тиэйилиннэ.
Бүлүү өрүһүнэн Ньурбатааҕы ньиэп баазатыгар 2710-тан тахса туоннаны илтилэр. Бу бааза кэлэктиибэ суудунаттан уматыгы сүөкээһини түргэнник тэрийэн ыытта. Сунтаардааҕы ыскылаакка уматык эмиэ айаннаан иһэр.
Ленскэйдээҕи ньиэп баазатыгар үлэ оргуйан олорор. Хайы-үйэ 26 тыһыынча туонна тиийдэ.
Өлүөхүмэтээҕи ньиэп базатыгар 4,1 тыһыынча туоннаны тиэртилэр. Бу хайысхаҕа өссө 7,6 туоннаны тиэйиэхтэрэ.
Хоту улуустарга даҕаны тиэйии былаан быһыытынан ыытыллар. Ол курдук, Баатаҕайдааҕы ньиэп баазатыгар 1,4 тыһыынча туоннаны аҕаллылар.
Чокуурдаахтааҕы ньиэп баазатыттан Белай Гораҕа Р-92 бэнсиини 500 туоннаны илдьиэхтэрэ. Сотору кэминэн Белай Гораттан ЛОРП танкера Чокуурдаахтан тиэйээри айанныаҕа.
“Саханефтегазсбыт” АУо пресс-сулууспата
Женни СТРЮКОВА бэлэмнээтэ.