Олунньу 1 күнүттэн өрөспүүбүлүкэ үрдүнэн уматыгы атыылыырынан дьарыктанар «Саханефтегазсбыт» ААУо сыанатын үрдэппитин нэһилиэнньэ соччо- бачча сөбүлээбэтэ. Холобур, Ньурба улууһун Антоновкатын олохтоохторо бырабыыталыстыба отчуотун кэмигэр сөбүлээбэтэхтэрин малтаччы эттилэр.
Александр Тарасов, «Саха сирэ» хаһыат, www.edersaas.ru
Тоҕо үрдэттэ диэн ыйытыыга, СӨ сыана бэлиитикэтигэр кэмитиэтин отделын салайааччытын солбуйааччы Александра Колесова: «Хампаанньа быйыл бүддьүөттэн чэпчэтиилээх кирэдьиити ылбакка, сыананы үрдэтэргэ күһэлиннэ. Былырыын 460 мөл. солк 2 бырыһыаҥҥа эрэ кирэдьиит ылбыта. Оттон быйыл итиччэ үбү 28 бырыһыаҥҥа ылбытын түмүгэр, атыылыыр уматыгын сыанатын үрдэттэ», — диэн быһааран биэрдэ.
Уматыгы атыылыыр атын хампаанньалар сыаналарын үрдэтэр туһунан этэ иликтэр эрээри, көҕөн көттөҕүнэ көппөх өрүкүйэр.
Александр Тарасов, «Саха сирэ» хаһыат, www.edersaas.ru