«Саханефтегазсбыт» сорох оройуоннарга уматык сыанатын намтатта

«Саханефтегазсбыт»  АУо муус устар  1  күнүттэн Саха сирин бастакы зонатыгар уматык сыанатын намтатта.

edersaas.ru

Ол курдук,  бастакы зонаҕа өрөспүүбүлүкэ соҕуруу оройуоннара – Нерюнгри уонна Алдан киирэллэр. Хампаанньа генеральнай дириэктэрин эбээһинэһин толорооччу Виктор Лебедев иһитиннэрбитинэн, сыананы намтатыы уматыгы оҥорон таһаарааччылар сыаналарын сыл бастакы кыбаарталыгар кыччаппыттарын кытары сибээстээх. Бу туһунан туһааннаах хампаанньа пресс-сулууспата суруйар.  Онон Нагорнайдааҕы АЗС-ка  «Премиум-95» мааркалаах бэнсиин —  50 солк. 40 харчы, Томмоттооҕу нефтебазаҕа – 51 солк., оттон  «Регуляр-92» Нагорнайдааҕы АЗС-ка — 48 солк. 60 харчы, Томмокко — 50  солк., оттон «Евро» бары нефтебазаларга 57 солк. 70 харчы буолла.

Биһ. корр., edersaas.ru