Уопсастыба

Сахамин Афанасьев Сунтаар улууһугар үлэлээтэ

Сунтаар улууһугар СӨ экологияҕа, сир баайын туһаныыга уонна ойуур хаһаайыстыбатыгар миниистирэ Сахамин Афанасьев үлэлээтэ.
Кулун тутар 10 күнүгэр улуус дьаһалтатын аактабай саалатыгар куйаар ситиминэн Саха сирин арҕаа сытар  оройуоннарын Аҕа баһылыктарын уонна туһааннаах тэрилтэлэр салайааччыларын кытары бу сылга аан бастакы  сүбэ мунньах ыытылынна. Мунньахха бастатан туран  «Развитие систем водоснабжения вилюйской группы улусов на 2019-2024 гг.» бырагыраама чэрчитинэн ууну ыраастыыр станциялары туруорууга элбэх үлэ барбытын иһитиннэрдилэр.
Ону сэргэ бөҕү дьаһайыы боппуруоһун көтөхтүлэр, онно  «Об отходах производства и потребления» федеральнай сокуон уонна Арассыыйатааҕы Айылҕа харыстабылын министиэристибэтин 14.05.2019 с. 303 нүөмэрдээх бирикээһинэн бөҕү эрэгийиэннээҕи  оператор дьаһайара бигэргэммит. Ол гынан баран кэккэ уустуктар үөскээбиттэринэн сибээстээн арҕаа сытар  оройуоннары кытары дуогабар түһэрсибит оператор бэйэтин эбээһинэһин ситэ толорботоҕун бэлиэтээтилэр. Итиннэ СӨ экологияҕа, сир баайын туһаныыга уонна ойуур хаһаайыстыбатыгар миниистирэ Сахамин Афанасьев, сытыытык турбут кыһалҕалаах боппуруоһу быһаарарга булгуччу надзорнай уорганнар бэрэстэбиитэллэрэ кыттыылаах туспа сүбэ мунньах тэриллэрин иһитиннэрдэ. Мунньахха киирбит этиилэр уонна боппуруостар бары боротокуолланан, боппуруостары быһаарарга хамыыһыйа үлэлиэҕэ.
«Сунтаар улууһа (оройуона)» муниципальнай оройуон дьаһалтатын пресс-сулууспата.
0
1
Telegram Whatsapp

Добавить комментарий