Сахамин Афанасьев: саҥа көлө ойуур баһаарын умулларыыга улахан көмөлөөх
«Экология» национальнай бырайыагынан «Ойууру харыстааһын» эрэгийиэннээҕи бырайыак иитинэн ойуур баһаарын умуруорарга анаан ылыллар саҥа көлөлөр улуустарынан тарҕатыллаллар.
СӨ Экологияҕа, айылҕаны туһаныыга уонна ойуур хаһаайыстыбатыгар миниистир Сахамин Афанасьев бу туһунан этиитин тустаах тэрилтэ пресс-сулууспата иһитиннэрэр.
«Национальнай бырайыак иитинэн көлөнү үһүс сылбытын атыылаһабыт. Ол курдук, 2019 сылтан уопсайа 108 тиэхиньикэ ылылынна, ол иһигэр вахтовай оптуобус, ханнык баҕарар сиринэн сылдьар бортовой массыына, «ПАЗ» оптуобус, эбии тэриллээх көлүөһэлээх тыраахтардар, УАЗ массыыналар, түрүлүөпкэлиир гусеницалаах массыыналар, о.д.а. көлөлөр ылылыннылар«, — диэтэ.
Миниистир саҥа көлөлөр оройуоннарга ойуур хаһаайыстыбаларын наадыйыыларынан көрөн тарҕатыллалларын бэлиэтээтэ.
«Өрөспүүбүлүкэ үгүс оройуоннара тиэхиньикэлэннилэр уонна көлөлөр хастыыта да уоту умуруорууга туһанылланнар, эрэллээхтэрин бигэргэттилэр. Ойуур баһаарын умуруорууга үлэлиир анал тиэхиньикэлэр сылдьар кыахтарынан, сыыдамнарынан, күүстэринэн, туһанарга судургуларынан ордуктар«, — диэтэ миниистир.
+1
+1
+1
+1
+1
+1
+1