Сахамин Афанасьев: «Аны Донецкай Өрөспүүбүлүкэ босхолоноругар эрэллээхпин»

Бөлөххө киир:

Бэҕэһээ Саха телевидениетыгар “Фактор Z” биэриигэ СӨ Судаарыстыбаннай Мунньаҕын (Ил Түмэн) норуодунай дьокутаата Сахамин Афанасьев кытынна.

edersaas.ru

Сахамин Миланович 1991-93 сылларга  ураты суолталаах разведка сулууспатыгар сылдьыбыт байыаннай сулууспалаах буоларын быһыытынан, Украинаҕа ыытылла турар байыаннай эпэрээссийэни кэтээн көрөрүн туһунан эттэ.

Биэрии ааптара Дмитрий Аргунов элбэх ыйытыыны биэрдэ. Олортон биирдэстэринэн кини билиҥҥи эпэрээссийэҕэ хайдах сыһыаннаһарын туһунан буолла.

Сахамин АФАНАСЬЕВ: “Мин билигин байыаннай эпэрээссийэҕэ кыттар биир дойдулаахтарбын кытары элбэхтик кэпсэтэбин. Анал подразделениеларга, “Тайфуҥҥа” уо.д.а. Приморье, Уһук Илин уонна биһиги дьоммут, бэтэрээннэр киирсэн, Донецкай уонна Луганскай өрөспүүбүлүкэлэргэ ыытыллар анал эпэрээссийэлэргэ кытталлар. Онон, онно туох буола турарын  быһаччы кинилэртэн истэбин. Ону таһынан анал литератураны ааҕабын.

Анал эпэрээссийэ туох соруктааҕый? Бастатан туран, бу өрөспүүбүлүкэлэри босхолуур, нэһилиэнньэ эйэлээх олоххо төннөрүн хааччыйар, экэниэмикэни, норуот хаһаайыстыбатын чөлүгэр түһэрэр соругу туруорунар. Ити өрөспүүбүлүкэлэргэ эрэ буолбакка, Арассыыйаҕа барытыгар куттал суох буоларыгар мэктиэни биэрэр туһугар. Бу соругу, мин санаабар, толордулар. Ол эбэтэр Луганскай өрөспүүбүлүкэни толору босхолоотулар. Билигин Донецкай өрөспүбүүлүкэни босхолуур дьайыылар ыытыллаллар. Соторутааҕыта Пескины босхолообуттара. Манна ВСО тирэх пууна баара. Ыарахан киирсии ааспыта. Билигин анал эпэрээссийэ тактиката олох атын. Артиллериялары туһаналлар, онтон нэһилиэнньэлээх пууннары босхолууллар. Сотору кэминэн Донецкай Норуодунай Өрөспүүбүлүкэ босхолуоҕар эрэнэбин», — диэн санаатын үллэһиннэ.

«Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0