Сахамин Афанасьев Амма өрүскэ мас соҕотуопкалааһынын туһунан сиһилии быһаарар

Амма өрүс үөһээ тардыытыгар, чуолаан Алдан оройуонугар  маһы соҕотуопкалааһын боппуруоһа уопсастыбаннаска эмиэ күөрэйэн таҕыста. Көрдүгэн курдук сытан баран, эмиэ күөдьүйдэ. Уһуннук быһаарыллар чинчилээх.

Бүгүн Ил Түмэн  сир сыһыаннаһыыларыгар, айылҕа ресурсаларыгар уонна экологияҕа кэмитиэтин бэрэссэдээтэлэ Сахамин Афанасьев Амма өрүскэ маһы соҕотуопкалааһын туһунан  быһааран биэриитэ Ил Түмэн саайтыгар таҕыста.

Сахамин Миланович  РФ Ойуурун Кодексата 2006 сыллаахха ылыллыбытын уонна ити кэмтэн  ойуур маһын соҕотуопкалыыр сыалтан учаастагы аукциоҥҥа кыайбыттар эрэ арендалыахтаахтарын туһунан этэр.  Ойуур маһын соҕотуопкалааһын  РФ Айылҕа ресурсаларыгар министиэристибэтэ бигэргэппит  анал Быраабылатынан ыытыллар. Итини тэҥэ, ойуур маһын сокуоннайа суох уонна сокуон быһыытынан кэрдэллэрин туһунан саас-сааһынан быһаарар. Сиһилии ссылканан киирэн билсэргитигэр сүбэлиибит.