Маны аах Уопсастыба

«Сахамедиа» кэлэктиибигэр саҥа салайааччыны билиһиннэрдилэр

Виктор Колесовы Дириэктэрдэр сэбиэттэрэ бэс ыйын 15 күнүгэр «Сахамедиа» РИИХ генеральнай дириэктэринэн анаабыттара. Саҥа салайааччыны хампаанньа кэлэктиибигэр СӨ Инновация, сыыппара уонна инфокоммуникационнай технологиялар сайдыыларын миниистирэ Анатолий Семенов билиһиннэрдэ.

«Виктор Джамаханович – иһитиннэрэр-биллэрэр эйгэҕэ саҥа киһи буолбатах. Кини «Саха» ГТРК сонуннарыгар кэрэспэдьиэнинэн үлэлээбитэ, «Саха» НКИХ каадыр уонна тэрийэр- салаа сулууспатын салайбыта. «Анаабыр Алмаастара» тэрилтэ пресс-сулууспатын салайбыта. Кини кэлэктииби кытта уопсай тылы булан, хампаанньаны сайдыы саҥа таһымыгар таһаарыаҕа», — диэн Анатолий Семенов эрэлин биллэрдэ.

Ыспыраапка:

Виктор Колесов атырдьах ыйын 10 күнүгэр 1982 сыллаахха Орджоникидзевскай оройуон Покровскай бөһүөлэгэр төрөөбүтэ. 2006 сыллаахха Новосибирскайдааҕы педагогичекай университет
«История уонна педагогика» факультетын бүтэрэн, история учууталын идэтин баһылаабыта.
Бэрэсидьиэн көмөлөһөөччүтүнэн, «Саха» НКИХ секретариатын салайааччытынан, «Хаҥалас улууһа» МТ баһылыгын солбуйааччытынан, СӨ Үлэ уонна социальнай сайдыы миниистирин солбуйааччытынан, РФ Судаарыстыбаннай Дууматын дьокутаатын, СӨ бастакы бэрэсидьиэнэ Михаил Николаев көмөлөһөөччүтүнэн үлэлээбитэ. 2016 сылтан «Анаабыр Алмаастара» АУо пресс-сулууспатын салайбыта.

Елена ПОТОЦКАЯ, «Саха сирэ» хаһыат, edersaas.ru

0
0