Кыайыы күнүгэр «Сахамедиа» холдинг бэтэрээннэргэ анаан эҕэрдэ аахсыйатын тэрийдэ

Кыайыы 74 сылыгар анаан «Сахамедиа» холдинг үлэһиттэрэ сэрии уонна тыыл бэтэрээннэригэр анаан эҕэрдэ аахсыйатын ыытта.

Кинилэргэ өрөспүүбүлүкэтээҕи «Якутия» уонн «Саха Сирэ» хаһыаттарга босхо сурутууну бэлэх ууннулар. Тустаах аахсыйа Кыайыы күнүгэр, ыам ыйын 9 күнүгэр, ыытылынна. Манна хаһыаттар эрэдээксийэлэрэ, холдинг салалтата, Саха информационнай ааҕыныстыбатын уонна SMM-сулууспа кэлэктииптэрэ кыттыыны ыллылар. Маны тэҥэ сэрии, тыыл бэтэрээннэригэр сибэкки уонна араас бэлэхтэри туттардылар.

«Биһиги эйэлээх кэмҥэ олорорбут — эһэлэрит, эбэлэрбит хорсун быһыыларын туоһута. Хомойуох иһин, сыллата бэтэрээннэрбит ахсаана аччыыр, маннык аахсыйаны тэрийии кинилэргэ махталбыт бэлиэтэ буолар«, — диэн холдинг SMM-сулууспатын салайааччы Роман Пестерев этэр.