«Сахамедиа» холдинг суруналыыстара Олоҥхо ыһыаҕар туруннулар

Ааптар: 
Бөлөххө киир:

«Сахамедиа» холдинг суруналыыстара Үөһээ Бүлүүгэ буолар Олоҥхо ыһыаҕар ыраах айаҥҥа бүгүн, күнүс 12 чааска, туруннубут.

Бэҕэһээ холдинг генеральнай дириэктэрэ Виктор Колесов  Олоҥхо ыһыаҕын сырдатар суруналыыстары мунньан, алгыс тылларынан атаарда, үлэлиир «экипировкабытын» — хаһыаттарбыт, интернет-саайтарбыт суруктаах анал футболкалары уонна бейсболкалары туттарда. Үөрүүлээх тэрээһиҥҥэ «Якутия», «Саха сирэ» хаһыаттар, СИА  эрэдээктэрдэрэ кытыннылар.

— Эһиги олус сүҥкэн суолталаах Саха АССР тэриллибитэ100 сылыгар аналлаах өрөспүүбүлүкэ улахан тэрээһинин  сырдата баран эрэҕит. Онон эһигиттэн бу күннэргэ миэстэтигэр буола турар тэрээһиннэри чаҕылхайдык сырдатан, 2022 сыллааҕы Олоҥхо ыһыаҕын устуоруйаҕа киллэрэн, бэйэҕит тус кылааккын киллэриэххит. Эһиэхэ бары толкуйгут, санаабыккыт барыта туоларыгар, бэрт элбэх сонуну тиһэн, тахсыылаахтык үлэлииргитигэр баҕарабыт! — диэн холдинг салайааччыта  эттэ.
Алгыс ылбыт дьон быһыытынан, бүгүн сарсыардаттан хомунан, этиллибит чааска оруобуна хоҥуннубут.


Аара бастакы тохтобулга — Горнай улууһун кыраныыссатыгар тохтоотубут.
Билигин Маҕараска эбиэттээн баран, салгыы айанныахпыт.

Елена Потоцкая

+1
0
+1
0
+1
0
+1
0
+1
0
+1
0
+1
0