Бүгүн муус устар 27 күнэ— Саха Өрөспүүбүлүкэтин бэлиэ күнэ.
Саха сирин биир ураты суолталаах бэлиэ даататыгар, А.Е.Кулаковскай аатынан норуоттар доҕордоһууларын дьиэтин бырааттыы омуктар сыһыаннаһыыларын эйгэтигэр үрэтэр-методологическай киин «Сахам сирин таптыыбын» диэн тиэмэҕэ, өрөспүүбүлүкэбит бары улуустарыттан оҕолор уруһуйдарын ролик оҥорон бэлэмнээтэ.
Манна оскуолаҕа киириэн иннинээҕи саастаах 34 оҕо уонна ахсыс кылааска диэри үөрэнэр оҕолор кытыннылар. Ролик үүнэр көрүөнэҕэ төрөөбүт дойдуга бэриниилээх буолууну, муҥура суох тапталы уонна ытыктабылы иҥэрэр сыаллаах-соруктаах. Уруһуйдары оҕолор Дьааҥыттан, Хаҥаластан, Мэҥэ Хаҥаластан, Чурапчыттан, Уус Алдантан, Тааттаттан, Сунтаартан, Амматтан, Дьокуускай куораттан (6, 7, 25 №-дээх, Хатас орто оскуолалара, Дьокуускай куорат «Мичээр«, «Земляника» уһуйааннара), ону сэргэ уруһуйдарын Краснодар кыраайын Гулькевич куоратыттан, Саха сирин ахтар-саныыр оҕолор ыыттылар. Манна кыттыбыт бары оҕолор ураты кэрэ айылҕалаах Сахабыт сиригэр муҥура суох тапталларын уруһуйдарынан биллэрбиттэрин иһин, ролигы оҥорооччулар улахан махталларын тиэрдэллэр.