(Эбэ уонна сиэн кыыс кэпсэтиилэрэ)
— Сиэним каникулугар кэлбитэ бэрт да бэрт. Оҕобун ахтан аҥарым хаалла.
— Бабуля, правда, что половинка осталось? Мин көрдөхпүнэ өссө поправилось курдуккун дии.
— Тоойуом, олус ахтабын ээ. Сороҕор ахтарым бэрдиттэн ытыыбын.
— Правда? Бедненькая моя… Я тоже очень скучаю по тебе моя хорошая.
— Чэ уонна тоойуом, сахаларбыт эбээт, төрөөбүт тылбытынан кэпсэтиэххэ. Сөп дуо?
— Сөп, бабуля, сөп.
— Эбэ диэ, эбэээ…
— Эбэээ, эбэээ, сөп.
— Тоойуом, биһиги төрөөбүт тылбыт наһаа кэрэ ээ.
— Знаю бабу, ээ, эбэ. Эбээ, правда наһаа красивай биһиги тылбыт. Сахалыы, мы только сахалыы будем говорить.
— Оо дьэ, оҕом барахсан, буккуйан саҥараахтыыгын ээ. Оҕо барыта да итинник саҥарар буолла. Дьэ кыһалҕа диэтэҕиҥ. Сааһым тухары төрөөбүт тылбын үөрэтэр учуутал сөҕөбүн, сонньуйабын уонна санааҕа ылларабын.
— Ба, ээ эбээ, понимаешь, очень таптыыбын ээ сахалыы разговаривать.
— Булумуна, ол иһин буккуйан-таккыйан эрээхтээтэҕиин, оҕом барахсан.
— Эбээ, хаһан обедайдыыбыт? Мин проголодайдаатым ээ.
— Дьэ оччоҕо оонньуохха. Аһыаххын баҕараргын ийэ тылгынан сөпкө эттэххинэ, түргэник остуолу булуохпут. Сөп диэ.
— Хорошо эбэ.
— Сахалыы сөбүлэс.
— Сөп, эбэ.
— Мин куукунаҕа бардым, тугу эрэ буһарыам. Манна олорон ыйытыыларбар сөпкө хоруйдаан иһээр. Оччоҕо сотору эбиэттиэхпит.
— Сөп эбэ.
— Мин пиццу итальянскую хочу и еще что-нибудь.
— Хайа, төрөөбүт тылбыт ханна барда? (куукунаттан саҥарар).
— Ээ, итальянскай (толкуйдуур), Италия пиццатын сиэхпин баҕарабын уонна өссө тугу эмэ.
— Сөп чыычаах, пицца оҥоруом.
— Бабу, ээ эбээ, пицца диэн саха тыла буолбатах дии.
— Оннук ээ. Саха аһылыга буолбатах, онон аата уларыйбат. Халбаһылаах, помидордаах лэппиэскэ диэхпитин, халбаһы, помидор эмиэ киирии тыллар. Онон пицца буола сылдьарыгар тиийэр.
— Бабу, ээ эбээ, халбаһы, помидор меняйся буолбат буоллахтарына буолбатын. Пицца диэн красиво звучит дии. Ээ, красивайдык иһиллэр.
— Кэрэтик иһиллэр диэ. Оннук да буолбатар (ботугуруур).
— Эбээ, кытаат, голоднайбыын (айаҕын саба тутар). Ой, аччыктаатыым, быстрайдык буһар.
— Туох даа?!
— Быстрайдык, ээ түргэнник-түргэнник. Пиццаны түргэнник буһар.
— Сөп тоойуом. Оҕом аччыктаабыт. Саха аһын аһыаххын баҕарбытыҥ буоллар арыый түргэнник буһуо этэ. Италия аһа дьэгээлиһэ элбэх буоллаҕа, помидора-имидиэрэ, онто-манта…
— Имидора. Какая имидора?
— Ээ чэ, бу оҕону сахалыы саҥардаары илистээри гынным ээ быһыыта. Айуу-айа (төбөтүн туттан олоро түһэр).
Наталья МОРДОВСКАЯ – Уйан Кут.
Хаартыска: pizzafab.ru