Гороскоп быйыл, ордук чуолаан, сэтинньи уонна ахсынньы ыйдарга харчы «мичик» гыныан сөп диэн интэриниэккэ кэпсиир. Ол эрээри, улахан кирэдьииккэ киирбэккитигэр, саарбах соҕус бырайыакка кыттыспаккытыгар сүбэлиир.
ХОЙ.
Эйиэхэ үчүгэй кэмнэр. Үлэлээн, сыралаһан ылбыт, мунньуммут харчыгын элбэтэргэ кыһаллаҕын. Ол эрээри, сулустар эйигин кытта куруук куоталаһа сатыыр уонна мэлдьи ордугургуур дьонтон сэрэнэргэр сүбэлииллэр. Бу дьонуҥ эн харчыгын мэлитэ охсорго кыһаллыахтара. Онон былааҥҥын кистиириҥ ордук.
Хамнаһыҥ, үлэлээн-хамнаан ылар харчыҥ туһунан, бэл, доҕотторгор кэпсээмэ. Бу бэлиэҕэ төрөөбүт бизнесменнэр, брокердар кыһыны куоттарбакка харчыгытын үчүгэйдик эргитиэххитин сөп. Быйылгы сыл хаһаайына харчыгытын кимиэхэ да иэс биэрбэккитигэр сүбэлиир. Иэс ылбыт дьоҥҥут биэрбэккэ эрэйдиэхтэрэ.
ОҔУС.
Оҕус бэлиэтигэр төрөөбүт дьон ууруулаах буолалларын олус сөбүлүүллэр. Иэс көрдөөтөхтөрүнэ аккаастаама. Ол эрээри, харчыгын барытын ыһыма.
Сулустар быйыл харчыгын бааҥҥа уурдараргар сүбэлииллэр. Сайын ортотугар баҕарар буоллаххына, бэйэҥ бизнестэниэххин сөп. Онно уруккуттан билэр дьонуҥ сүбэлэрэ көмөлөөх буолуо.
Үчүгэйдик билэр киһиҥ бииргэ үлэлииргэ этии киллэрдэҕинэ аккаастаныма. Быйыл дьиэ атыылаһыаххын эбэтэр дьиэҕин кэҥэттиэххин, күүлэйдии барыаххын сөп. Ол эрээри, бу быһаарыныыларгар докумуоҥҥа илии баттыырга болҕомтолоох буол.
ИГИРЭЛЭР.
Харчыта суох хаалбат туһуттан туохха барытыгар сэрэхтээх буоларгар сулустар сүбэлииллэр. Улахан быһаарыныылары ылынаргар хайаан да юристартан сүбэлэт. Албыҥҥа-көлдьүҥҥэ кыттыһыма, барыга уһуну-киэҥи толкуйдаа. Эйигин тулалыыр дьон ортотугар албынньыт баар, киниттэн сэрэн.
Игирэлэр туохха барытыгар көхтөөхтүк кыттыһан иһэллэр уонна ымсыырбыттарын туттуммакка ылар үгэстээхтэр. Онон үлэлээн ылбыт харчыларын түргэнник барыыллар. Туох баар дьыалаҕа-куолуга болҕомтолоох буоларыҥ эрэйиллэр. Чиэһинэйдик үлэлээтэххитинэ Араҕас Ыт харчыттан матарыа суоҕа. Оччоҕуна, бэл, уруккуттан ыра санаа оҥостубуккутун кытары толорор кыахтаныаххыт.
АРААК.
Араак харчыны санаан утуйарын да умнар. Былааннамматаҕы атыыластаҕына, бэл, ыалдьар. Оттон Ыт сыла сиэдэрэй буоларгар сүбэлиир. Быйыл ордук аймахтарыҥ, доҕотторуҥ эн көмөҕөр наадыйыахтара онно өйөбүл буолаар диэн этэр.
Дьылҕаҕар суланыма. Харчы да баар буолуо, күүлэйдии да барыаҥ, баҕарбыккын да атыылаһыаҥ диэн сулустар уоскуталлар. Арай, олу-бу сүүйүүлээх, умсугутуулаах оонньуулартан туттун, тэйэ хаамп диэн этэллэр.
ХАХАЙ.
Хахай бэлиэтигэр төрөөбүттэр күүлэйдииллэрин, дуоһуйа сынньаналларын, астына аһыылларын таптыыллар. Оттон үп-харчы гороскоба быйыл харчыны кэмчилииргэр, өйдөөн-төйдөөн туттаргар сүбэлиир. Ыт Сылын үтүөтүнэн эн араас моһуоктартан төлө көтүөҥ. Сулустар бэйэ бодоҕун тардынан сылдьаргар, араас саарбах көрсүһүүлэргэ кыттыспаккар, солуута суохха харчыны бараабаккар сүбэлииллэр.
Сыаналаах бэлэхтэринэн дьону бэйэҕэр тардыбатыҥ ордук. Көрдөрүнньүк олохтон уоскуй, өйгүн-санааҕын сааһылан. Өйдөөн кэбис, туох да харчынан кэмнэммэт. Ыт Сыла быйыл тумускун кыратык сарбыйар, эрэстэрээннэргэ ааҥҥын сабыталыыр. Үлэлээн тиритэ-хорута түһэргэр күһэйэр. Быйыл элбэх харчыны үөрэххэ, бэйэҕин сайыннарарга, трениҥҥэ бараа.
КЫЫС.
Уларыйыы элбэх. Харчыгар да оннук. Үчүгэйдик үлэлээн болҕомтоҕо ылыллар курдук кыһалын. Саас, сайын саҥа бырайыакка ылыстаххына, хантараак түһэристэххинэ, үп-харчы кэлиэ. Харчыгыттан сороҕун кыбартыыра өрөмүөнүгэр, массыынаҕа, бытовой тиэхиньикэни атыылаһаргар ууруннаххына, бэйэҕэр бэйэҥ махтаныаҥ.
Күһүн күүлэйдии барыаххын сөп. Доруобуйаҕын көрүнэргэ, чөлүгэр түһэринэргэ харчыгын кэччэнимэ. Харчыгын көннөрү билэр киһигэр иэс биэрэ сатаама. Төннөрөрө саарбах.
ЫЙААҺЫН.
Харчыны ыһаргын, маҕаһыыҥҥа көрөн сэҥээрбиккин ылан тэйэргин тохтоторгор тиийэҕин. Ордук сыл саҥатыгар харчыгын харыстаа. Сыл хаһаайынын сүбэтин истибэт буоллаххына, быйылы быһа хармааныҥ хапсыгыр буолуо.
Азартаах оонньууларга чугаһаама. Тыалынан киирбит холоругунан тахсарын өйдөө. Үлэлээн, сыралаһан ылбыт харчыгын мунньун. Хамнаскыттан ууруммутуҥ сыл иккис аҥарыгар дьиэҕэр наада буолан туруо.
СКОРПИОН.
Харчыны кыайан ууруммаккыттан эрэйдэнэҕин. Ааҕа, суоттуу үөрэн. Харчылаһаргар үчүгэй этиилэр киириэхтэрэ. Сыл бүтүөр диэри бу бэлиэҕэ төрөөбүт элбэх киһи үчүгэй хамнастаах үлэни, иккис үлэни эмиэ булуоҕа. Бизнестээхтэр харчыларын элбэтэр суолу тобулуохтара. Онно биир санаалаахтарын түмтэҕинэ, ордук табыллыа. Баантан кирэдьиит да ылыан сөп. Ол гынан баран, киниэхэ чугас дьоно, аймахтара да көмөлөһөргө бэлэмнэр.
Сулустар 2018 сылга харчыгын муодунай таҥаска-сапка буолбакка, ыраах күүлэйгэ туһанаргар сүбэлииллэр. Кыахтаах, сабыдыаллаах дьоҥҥо эрэнэ сатаабакка, нолуоккун бэйэҥ төлүүрүҥ ордук.
ОХЧУТ.
Тугу барытын былааннаан сырыттаххына, харчы да баар буола туруо. Быйылгы уурунууҥ улаханы атыылаһаргар олус туһалыа. Үлэҥ-хамнаһыҥ таһыччы элбиэ. Ол да буоллар, доруобуйаҕын умнума. Ыалдьан хааллаххына, Ыт Сыла тосхойон биэрэр үбүттэн матыаҥ.
Докумуоҥҥа илии баттыыргар болҕомтолоох буол. Улахан ыстарааптар, коммунальнай төлөбүргэр иэстэр-күүстэр, кыһалҕалар тиийэн кэлиэхтэрин сөп.
ЧУБУКУ.
Муораҕа сынньаныаххын, массыына атыылаһыаххын, дьиэҕин-уоккун өрөмүөннүөххүн, иһигэр уларытыылары киллэриэххин сөп. Сыл бастакы аҥарыгар харчыгын балачча уурунуоҥ.
Дьиэ кэргэннээхтэр быйыл оҕолорун үөрэҕэр балачча улахан суумманы төлүөхтэрин сөп. Харыһыйымаҥ. Ыт Сыла түмүктэниэн иннинэ ол барыта төттөрү кэлиэ.
КҮРҮЛГЭН.
Үпкүн-харчыгын ааҕан-суоттаан тутун. Аймахтарыҥ көмө көрдөөтөхтөрүнэ, сүүстэ толкуйдаа. Харчыҥ бэйэҕэр олус наада буолан туруон сөп. Оҕоҕун атаахтатыма, баҕарбытын барытын ылан биэримэ.
Үп-харчы гороскопа быйыл эбии үлэни буларгар сүбэлиир. Саҥа идэҕэ да үөрэн. Барыта табыллыа. Азартаах, саарбах, халбархай хамсааһыннарга, дьыалаларга чугаһаама. Харчыгын мэлитэн баран, эбиитин иэскэ киллэриэхтэрин сөп. Хас хардыыгын толкуйдаан оҥор.
БАЛЫК.
Харчыгын, үпкүн-аскын бөҕө тирэхтииргэр үчүгэй сыл. Бастакыттан туох эмэ сатамматаҕына, санааҕын түһэримэ. Элбэх сыраҕын барыаҥ эрээри, барыта табыллыа. Төһө хаачыстыбалаахтык үлэлииргиттэн кэлэр өртүҥ улахан тутулуктаах.
Эрэллээх доҕоруҥ, аймаҕыҥ сүбэтин иһиттэххинэ, үлэҕэр-хамнаскар алҕаһыаҥ суоҕа. Сүҥкэннээх улахан тугу эрэ оҥоруоххун сөп. Улахан бырайыактартан аккаастаныма. Ол гынан баран, Сыл хаһаайына былааннаан уонна биир да солкуобайы сүтэрбэт курдук кыһаллан үлэлииргэр сүбэлиир. Сыл ортотугар кирэдьиит боппуруоһа хайдахтаах да ымсыырдан, угуйан, абылаан турдаҕына да ылыма.
Уруһуй: интэриниэттэн.