САХАЛЫЫ ГОРОСКОП. СЭТИННЬИ 18-24 КҮННЭРЭ.

Ааптар: 
Бөлөххө киир:

ХОЙ. Бу күннэргэ үөрэ-көтө сылдьыаҥ, тулаҕар баар дьонуҥ санааларын көтөҕүөҥ, кимиэхэ эрэ бэртээхэй сонун санааны саҕыаҥ. Ол эрээри, тус бэйэҥ үлэҥ туһунан эмиэ толкуйдаа. Тугу эрэ оҥоруохтааххын уһата-кэҥэтэ сылдьыбыт буоллаххына, эбэтэр кимиэхэ эрэ иэстээх, харчы төлүөхтээх буоллаххына, боппуруоһу быһаара сатаа. Оннук гымматаххына, дьон итэҕэлэ эйиэхэ сүтүөн сөп.

Дьиэҕэр-уоккар чуҥкуйар курдук буолуоҥ. Ол гынан баран, чугас дьонуҥ эн көмөҕөр наһаа наадыйар кэмнэрэ үүммүт. Ордук доруобуйаларыгар болҕомтоҕун уур. Ыраах айанныы сатаама. Бириэмэҕин үлэҕэр уонна чугас дьоҥҥор анаа.

ОҔУС. Үөскээбит боппуруоһу кэмигэр быһаарарга кыһалын. Үлэҕэр хойутаама, сыалгын-соруккун, болҕомтоҕун барытын онно уур, түргэн-тарҕан буол. Тугу да сарсыҥҥыга, өйүүҥҥүгэ хаһааныма. Барытын бүтэрэн, түмүктээн иһэргэ кыһалын.  Бириэмэҕин сөптөөхтүк аттардаххына, улаханнык сылайыаҥ-элэйиэҥ да суоҕа. Тоҕо диэтэххэ, бээтинсэҕэ түбүк-садьык олус элбиэ.

Дьиэ кэргэҥҥэр, чугас дьоҥҥор болҕомтолоох буол. Өрөбүллэргин кинилэри кытары атаар. Истиҥ кэпсэтии сыһыаны тупсарыа. Оттон түүлгэр улахан болҕомтоҕун уурума. Бу күннэргэ ыраахтан кэһии тутуоҥ эбэтэр эбии харчылаһаргар этии киириэ.

ИГИРЭЛЭР. Туохтан барытыттан кыыһырыах, кыйыттыах курдук буоларгын тохтот. Дьоҥҥун, кэллиэгэлэргин, ыалгын кытары ииристэххинэ, өр соһуллуо. Онтон сылтахтанан хайаҕытыгар да доруобуйаҕыт мөлтөөн-ахсаан барыаҕа. Онон иирсибэт туһуттан, элбэхтик хамсан-имсэн, хаалыктаах хаамыынан, йоганан дьарыктан, спортсаалаҕа сырыт.

Оттон нэдиэлэ бүтүүтэ эйиэхэ олус үчүгэй күннэр үүнүөхэрэ. Тугу баҕарбытыҥ, былааннаабытыҥ барыта табыллан иһиэҕэ. Онуоха үп-харчы да боппуруоһа куһаҕана суох. Сулумах сылдьааччылар интэриэһинэй билсиһииттэн санаалара кынаттаныа. Ол өргө диэри эрчим биэриэҕэ.

АРААК. Бу күннэр көрсүһүүлэринэн, саҥа билсиһиилэринэн толорулар.  Олор эн тус олоххор суолталаах буолуохтара. Чугас дьонуҥ, доҕотторуҥ тугу этэллэрин болҕойон иһит. Итиэннэ туруоруммут сыалгар-соруккар дьулус. Үлэҕэр-хамнаскар түбүгүрэртэн, дьиэҕэр-уоккар араас боппуруос күөрэйэн кэлэриттэн  саллыма. Кылаабынайа ыраас санаалаах, сүрэхтээх, тулуурдаах буол.

Өрөбүллэргэр ханна эмэ сынньана, бириэмэҕин атаара барыаххын сөп. Чугас доҕотторуҥ көрсүһүүгэ ыҥырдахтарына аккаастаныма. Сэһэргэһииттэн элбэх сонун санаа киирэн, кэлин үлэҕэр олус туһалаах буолуоҕа. Оттон хамсаныы-имсэнии, хаамыы доруобуйаҕар туһалыахтара.

ХАХАЙ. Холкутуйаргар, бэйэҕэр болҕомтоҕун уураргар бэртээхэй нэдиэлэ. Үлэҕэр да барыта этэҥҥэ, чуумпу. Үп-харчы да боппуруоһа куһаҕана суох буолан үөрдүө. Бириэмийэ тутуоххун эбэтэр дуоһунаһыҥ үрдүөн сөп. Илиигэр туппут харчыгын барыы охсорго тиэтэйимэ. Харчыга харчы тардыһар диэн этиини тутус. Инникини былаанна. Ол тус олоххор да, үлэҕэр да сыһыаннаах.

Оттон өрөбүллэргин чугас дьоҥҥун кытары атаарарыҥ ордук. Дьиэҕэр-уоккар уларытыыта оҥор, ис бараанын саҥардан биэр, дьоҥҥор наадалааҕы атыылас. Ол гынан баран, бэйэҥ тускунан умнума. Массажка сырыт, тас көрүҥҥэр, доруобуйаҕар болҕомтоҕун уур.

КЫЫС. Бу нэдиэлэ үлэҕэр-хамнаскар болҕомтолоох буоларгын ирдиир. Тугу да кэнники оҥоруом, түмүктүөм диэн хаһааныма. Сүрэҕэлдьиэҥ, хас да бүк түбүгүрүөҥ. Онтон сылтахтанан дьоҥҥун-сэргэҕин кытары иирсэн туруоххун эмиэ сөп. Үпкүн-харчыгын ыспакка муспут буоллаххына, эбиллии күүтэр. Ол, баҕар, иэстэрин төнүннэриэхтэрэ, баҕар эбии харчылаһар этии киириэ, баҕар хамнаһыҥ үрдүө.

Тус бэйэҥ уонна чугас дьонуҥ доруобуйаларыгар болҕомтоҕун уур. Бу күннэргэ тымныйдаххына, ааһан-араҕан биэрбэккэ эрэйдиэ. Ону сэргэ аска-үөлгэ эмиэ болҕомтолоох буоларыҥ эрэйиллэр. Эрэсиими уонна диетаны тутустаххына, тутуһуннардаххына, кэлин бэйэҕэр махтаныаҥ.

ЫЙААҺЫН. Былааҥҥын бу күннэргэ олоххо киллэрэргэ дьулус. Ол гынан баран, оҥоруоҥ, олоххо киллэриэҥ иннинэ, кимиэхэ да кэпсээмэ.  Мэһэйдэһээччилэр баар буолуохтара. Оттон кэллиэгэлэриҥ кэпсэтиилэригэр санааҕын аһаҕастык үллэстимэ. Сураҕы-садьыгы кэпсээмэ. Үп-харчы боппуруоһугар уларыйыы суох.  Баар харчыгын ыһыма, иэс эмиэ биэримэ.

Сулумахтары истиҥ көрсүһүү күүтэр. Саҥа билсиһии тус олоххор улахан суолталаах буолуон сөп. Дьиэ кэргэннээхтэр сынньалаҥҥытын бииргэ атаарарга кыһаллыҥ. Киинэҕэ, тыйаатырга сылдьыы сыһыаҥҥытын тупсарыа. Оттон дьиэ иһигэр истиҥ эйгэ олохсуйуута, элбэх үөрүүнү, ситиһиини тосхойуо.

СКОРПИОН. Бу күннэргэ үлэҕэр хойутаама.  Сорудаҕы хаачыстыбалаахтык оҥорорго кыһалын. Салалтаҥ бэлиэтиэ. Оттон истибит сонунуҥ эйиэхэ үлэҕэр саҥа сүүрээни киллэрэргэр, сыалгын сайыннараргар эбэтэр билиигин-көрүүгүн хаҥатаргар тирэх буолуо, туһалыа. Ол гынан баран, эбии харчылаһар эбэтэр хамнас үрдүүрүн туһунан кэпсэтиини билигин саҕалаама.

Нэдтэлэ бүтүүтэ элбэх киһи мустар сиригэр, эбэтэр көрсүһүүгэ ыҥырдахтарына сылдьа сатаабатыҥ ордук.  Дьиэҕэр бүгэн олорон тус бэйэҕэр туһалааҕынан дьарыктан.  Кинигэтэ аах, хамсана-исмэн, дьиэҕин өрө тарт. Оттон түүлгүн чугастык ылыныма. Дьоҥҥо кэпсии да сатаама.

ОХЧУТ. Бу күннэргэ тулуурдаах, дьулуурдаах уонна сүрэхтээх-бэлэстээх буол. Оччоҕо эрэ ылсыбыт дьыалаҕын-куолугун, үлэҕин түмүктүөҥ, ситиһиэҥ.  Ордук нэдиэлэ иккис, үһүс уонна бэһис күннэрэ түбүктээх-садьыктаах буолуохтара.  Онуоха биир кэмҥэ элбэҕи саба тута сатаама. Оттон үпкүн-харчыгын уурун, бытархайга ыһыма. Дьиэҕэр улаханы атыылаһаргар наада буолан туруоҕа.

Сулумахтар истиҥ көрсүһүүгэ  тиэтэйимэҥ. Тута сөрөөн тапталга итэҕэйимэҥ. Уруккуттан билсэр эрэллээх доҕотторуҥ ис санааларын иһит. Суолталааҕы, наадалааҕы этиэхтэрэ. Бу күннэргэ ыраахтан кэһии тутуоххун эбэтэр сонун истиэххин сөп. Нэдиэлэ бүтүүтэ иччилээх түүлү көрүөҥ.

ЧУБУКУ. Сэрэйэн көрөр дьоҕуруҥ хаһааҥҥытааҕар да күүһүрбүт. Онон болҕомтолоох буол. Киэҥ-куоҥ көҕүстэнэргэ кыһалын. Дьон үһү-тамах кэпсээнигэр улаханнык уолуһуйума. Тус санааҕын да аһаҕастык этимэ. Үлэҕин уонна сынньалаҥҥын сөпкө дьүөрэлииргэ кыһалын. Доруобуйаҕар болҕомтоҕун уур. Оттон саҥа билсиһии үлэҕэр элбэҕи туһалыырыгар эрэн.

Өрөбүллэргэр сынньан, барыма-кэлимэ. Ол оннугар кинигэтэ аах, билиигин-көрүүгүн хаҥатын, дьиэҕэр-уоккар үлэлээ. Баҕар, туох эмэ эбии дьарыкка сырыт. Аҕам саастаах дьон этиитин иһит. Сыта-тура толкуйдаан, ыараҥнатан көр.

КҮРҮЛГЭН. Туох баар болҕомтоҕун, кыһамньыгын үлэҕэр уур. Сорудаҕы хаһааныма, кэмигэр бүтэрэргэ, түмүктүүргэ кыһалын. Сарсыардатын эрдэлээ, киэһээтин хойутаама. Сөптөөх кэмҥэ кэлэ-бара сырыт. Үлэҕэр кыһамньыҥ, сонуну киллэрииҥ сыл түмүгэр бэлиэтэнэн үөрдүө. Бириэмийэ, махтал  тутуоҥ. Үп-харчы боппуруоһа куһаҕана суох. Онуоха эбии харчылаһар кыах баар буолуо.

Төһө да түбүгүрбүтүҥ иһин, доруобуйаҥ туһунан умнума. Бырааска сырыт, аскын-үөлгүн бэрий, диетаны тутус. Хамсан-имсэн, өрөбүлэргэр сибиэһэй салгынынан тыын. Билиигин-көрүүгүн хаҥатын, кинигэтэ аах. Ол үлэҕэр саҥа сүүрээни киллэрэргэр көмөлөөх буолуоҕа.

БАЛЫК. Тугу баҕараргын, сыалгын-соруккун бу нэдиэлэҕэ толорорго дьулус.  Туох барыта тус бэйэҕиттэн тутулуктаах. Онуоха истибит сонунуҥ тирэх буолуо.  Ол гынан баран, туох баар бириэмэҕин, үлэҕин-хамнаскын, дьарыккын былааннаан сырыт. Саҥа билсиһииттэн аккаастаныма. Бу билсиһии эйиэхэ туһалаах иһитиннэриини биэриэ эбэтэр кэлин үлэҕэр наадалаах буолуоҕа.

Дьиэҕэр-уоккар хаһааҥҥытааҕар да өйдөһүү, ил-эйэ олохсуйар. Оттон ыраахтан ыалдьыт кэлиитэ санааҕын улаханнык көтөҕүө.  Сулумах сылдьааччылар нэдиэлэ бүтүүтэ олохторун аргыһын көрсүөхтэрин сөп. Эбэтэр ким эрэ тапталга билиниэ.

+1
0
+1
0
+1
0
+1
0
+1
0
+1
0
+1
0