ХОЙ. Бу нэдиэлэҕэ соһуччу көрсүһүүлэр, иһирэх кэпсэтиилэр күүтэллэр. Бэйэ-бэйэҕитин өйдөһүүгүт хаһааҥҥытааҕар да күүһүрүө. Сүрэҕиҥ тугу этэрин иһит, сэрэйэн көрөр дьоҕургар эрэн. Үлэҕэр түбүк-садьык өссө элбээбиккэ дылы буолуо. Онуоха хойутаабакка тиийииҥ, кэмигэр түмүктээн иһииҥ салалтаҥ болҕомтотун тардыа. Сүктэриллибит эбээһинэскиттэн тугу да сарсыҥҥыга диэн хаһааныма.
ОҔУС. Толкуйдуур дьоҕуруҥ бу күннэргэ күүһүрүө. Сулустар эйиэхэ дьыалаҕын-куолугун кэмигэр бүтэрэргэр көмөлөһөллөр. Кылаабынайа, салалтаҕын кытары иирсимэ, кини этиитин утарыма. Тапталгар табыллыы күүтэр. Ол эрээри, дьиэҕэр баар чугас дьоҥҥун умнума. Өрөбүллэргэр кинилэри кытары сибиэһэй салгыҥҥа сырыт, даачаҕа таҕыс. Сэрэйэн көрөр дьоҕургар эрэллээх буол.
ИГИРЭЛЭР. Бу күннэргэ олус тиэтэйбэккэ холку соҕустук сырыт. Дьиэҕэр-уоккартахсар үлэҕэ дьоҥҥун көмөлөһүннэр. Тулалыыр эйгэҥ дьыалаҕын-куолугун, үлэҕин-хамнаскын ситиһэргэр оруолу ылыаҕа. Онон бытархай, ааһар ол-бу дьиэтээҕи кыһалҕаларга түбүгүрүмэ. Итинтэн сылтахтанан санааҥ түһүөн, ньиэрбинэйдээн барыаҥ, күүһүҥ-уоҕуҥ эстэн хаалыа. Ыраахтан үтүө сонуну истиэҥ.
АРААК. Түбүктээх эрээри, бэртээхэй нэдиэлэ үүммүт. Сыалгын-соруккун олоххо киллэрэргэр, чугас дьонуҥ көмөлөһүөхтэрэ. Онон саамай наадалаах боппуруостаргын бу күннэргэ быһаарарга тиэтэй. Ханна эмэ баран кэлииҥ, доҕотторгун кытары сынньалаҥҥын атаарыыҥ табыллыа. Үлэҕэр да барыта этэҥҥэ. Өрөбүллэргин чугас дьоҥҥун кытары атаар. Ыраахтан кэһии тутуоҥ эбэтэр үчүгэй сонун истиэҥ.
ХАХАЙ. Дьиэҕэр тугу эрэ уларытыаххын баҕаран кэлиэҥ. Онно ылыстаххына, табыллыа. Чугас дьонуҥ да эйиэхэ көмөлөһөргө, өйөбүл буоларга сөбүлэһиэхтэрэ. Үлэҕэр ситиһии арыаллыа. Туох эмэ боппуруос үөскээтэҕинэ, эйиэхэ уруккуттан чугас, салалтаҕа үлэлиир киһи өйүөҕэ. Ыал буола иликтэр тапталларын көрсүөхтэрэ. Түүлгэр болҕомтоҕун уурума. Күннээҕи бэрдэ суох сонуну кулгааҕыҥ таһынан аһар.
КЫЫС. Үлэҕэр тулуурдаах уонна сэрэхтээх буоларыҥ ирдэнэр. Сулустар ханнык да боппуруоска уһуну-киэҥи толкуйдуургутугар сүбэлииллэр. Дьиэҕитигэр-уоккутугар барыта этэҥҥэ. Ыраахтан ыалдьыттар кэлиэхтэрэ. Өрөбүллэргин чугас дьоҥҥун кытары атаар. Элбэх киһи мустар сиригэр сылдьыма. Ол оннугар сибиэһэй салгынынан тыыныы, сэрээккэ туһата улахан буолуоҕа.
ЫЙААҺЫН. Бэриллибит сорудаҕы толорон иһэр буоллаххына ситиһиилэниэҥ. Мөккүөргэ тобуллаҕас толкуйгунан кыайыылаах тахсыаҥ. Дьиэҕэр-уоккар табыллыы, тус бэйэҕэр таптал күүтэр. Ол эрээри, чугас дьоҥҥун, ордук аҕам саастаах аймахтаргын умнума. Кинилэр эн болҕомтоҕор наадыйбыт кэмнэрэ. Сүбэлэрэ улахан туһалаах буолуоҕа. Сотору үп-харчы кэлиэ эбэтэр бириэмийэ тутан үөрүөҥ.
СКОРПИОН. Күүс-уох үөһээттэн кутулларга дылы буолуо. Туппутуҥ табыллан, саҕалаабытыҥ сатанан үөрдүөҕэ. Сонун саҕалааһыныҥ эмиэ ситиһиилээх буолуоҕа. Дьону-сэргэни, кэллиэгэлэргин кытары хаһааҥҥытааҕар да түргэнник уопсай тылы булуоҥ. Салалтаҕыттан хайҕаныаҥ. Уоппускаҕа барбыт киһини солбуйтардахтарына, аккаастаныма. Саҥаҕа, сонуҥҥа үөрэнииҥ туһата кэлин биллиэ.
ОХЧУТ. Нэдиэлэ саҥатыттан санааҥ-онооҥ түһүө. Ол эрээри, онно бэринимэ. Туруоруммут сыалгар-соруккар ылыс. Сорудаҕы толорон ис. Солом суох диэн чугас доҕотторгун умнума. Төлөпүөнүнэн да кэпсэтии эйиэхэ үчүгэйи аҕалыа. Эбиитин көмөлөөх, туһалаах буолуоҕа. Өрөбүллэргэр сынньан, аралдьый. Бу күннэргэ сэрээккэлээтэххинэ, доруобуйаҕар туһата улахан буолуо. Дьиэҕэр наадалааҕы атыылаһыыҥ өр сулууспалыа.
ЧУБУКУ. Сүрэҕэлдьээн сөп буолбуккун. Тугу да гыныаххын баҕарбаккын, ким эрэ эн оннугар сүүрэрин тохтот. Итинтэн сылтахтанан, үлэҕэр иирсээн тахсыан сөп. Ол оннугар дьонтон үөрэн, билбэккин, мунаараргын кыбыстыбакка ыйыт. Дьон эйиэхэ үөрүүнэн көмөлөһүөхтэрэ, сүбэ-ама биэриэхтэрэ. Бэйэҕэр эбэтэр дьиэҕэр-уоккар туох эрэ наадалааҕы атыыласпытыҥ санааҕын улаханнык көтөҕүө, өр сулууспалыа.
КҮРҮЛГЭН. Бу күннэргэ хаһааҥҥытааҕар да уоскулаҥнык, чуумпутук сылдьыаххын баҕараҕыҥ. Табаарыстаргар да, кэллиэгэлэргэр да тугу да эрэннэримэ. Түбүктэрин, сорудахтарын эйиэхэ көлбөрүтүөхтэрин, найылыахтарын баҕарааччылар бааллар. Сорудахтары барыларыгар тэҥҥэ үллэрэриҥ ордук. Ыраахтан үөрүүлээх сонуну истиэҥ. Үп-харчы тутуоҥ. Туораттан дьон махталын ылыаҥ.
БАЛЫКТАР. Ис дууһаҕыттан чуумпуран, уоскуйан сынньанарга дьулус. Үлэҕиттэн соһуччу сорудахтары биэриэхтэрин сөп. Ким эрэ эйигин ордугургуур, түгэни мүччү туппакка туһаныан, эн оннугар кини арбаныан баҕаран быыс-хайаҕас көрдөнөр. Онон истэр сонуҥҥар, кэпсэтиигэр бу нэдиэлэҕэ болҕомтолоох буол. Өрөбүллэргэр көрсүһүүлэртэн, билсиһиилэртэн быыс булуоҥ суоҕа. Ол да буоллар, атаххын өрө тэбэн баран сытарга бириэмэтэ ордорун.
