ХОЙ. Бу күннэргэ сүрүн болҕомтоҕун дьиэҕэр-уоккар уур. Салалта өрөбүл күннэргэр үлэлиири ирдиэн сөп. Онно сөбүлэһэн түбүгүрдэххинэ, хайҕаныаҥ. Итинтэн сиэттэрэн сотору дуоһунаһыҥ үрдүөн эбэтэр атын үлэҕэ ыҥырыахтарын сөп. Нэдиэлэ бүтүүтүгэр ыраах айаннаама. Субуотаны сынньалаҥнык атаар. Дьиэҕэр наадалаах мал-сал атыыластаххына, өр сулууспалыа. Нэдиэлэ иккис аҥарыгар үөһэттэн күүс-уох кутуллан киириэ. Доруобуйаҥ чэбдигириэ.
Саҥа толкуйдар, сонун санаалар киирбиттэрин ыһа-тоҕо кэпсээмэ. Тоҕоостоох кэм үүнүө. Эн тускунан дьон кэпсэппиттэрин истиэҥ, ону сүрэххэр чугастык тутума. Саҥа билсиһии санааҕын бөҕөргөтүө, сүргэҕин көтөҕүө.
ОҔУС. Элбэҕи ааҕарыҥ, билиигин-көрүүгүн хаҥатынарыҥ наада. Ол сотору кэминэн эйиэхэ олус наадата биллиэ-көстүө. Харчыгын наһаа ыһыма-тоҕума, солуута суоҕу атыылаһыма. Сотору улахан суолталаахха наада буолан туруо. Онон төлөбүрдээххэ буолбакка, тус бэйэҥ да хасыһан үөрэннэххинэ, элбэҕи билэҥ-көрүөҥ. Сулустар ханна эмэ чугас сынньана, күүлэйдии бараргар сүбэлииллэр. Баҕар, доҕотторгор, дьүөгэҕэр. Онно кэскиллээх билсиһии күүтэр. Бу күннэргэ толкуйдаабыккын, саҥа, сонун этиигин кэллиэгэлэриҥ сөбүлүөхтэрэ, өйүөхтэрэ. Ыраахтан үчүгэй сонун истиэҥ. Иччилээх түүлү түһүөҥ. Бу күннэргэ баттаххын кырыйтар, бүрүчүөскэҕин уларыт. Оччоҕо олоххор саҥа сүүрээн киириэ.
ИГИРЭЛЭР. Хаһаайыстыбалаах дьон бу күннэргэ эбии дохуоттанар кыахтаныаххыт. Сэрэйэн көрөр дьоҕургут улаатыа. Бэл, туора дьон тугу саныырын кытары сэрэйэн билиэххит. Ону дьоҥҥо кэпсээмэҥ. Ол оннугар, инники үлэҕитин сааһылыыргытыгар толкуйдаан көрүҥ, онон салайыныҥ, сааһыланыҥ. Барыта табыллыа. Бу күннэргэ суолга-иискэ сэрэхтээх буоларыҥ ордук. Уруулга олорума. Нэдиэлэ иккис аҥарыгар чугас дьоҥҥор болҕомтоҕун уур, истиҥник кэпсэт, санааларын иһит, көмөлөс. Тус бэйэҥ доруобуйаҕар болҕомтоҕун уур. Чараастык сылдьыма, тоҥума. Арҕах буолбут ыарыыҥ көбүөн сөп. Ол ааһан-араҕан биэрбэккэ уһуннук эрэйдиэ. Сэрээккэлээ, йоганан дьарыктан. Ол күүһү-уоҕу, сэниэни биэриэ. Бээтинсэҕэ ситиһиилэниэҥ. Урукку сыалгын-соруккун толорор кыахтаныаҥ.
АРААК. Кэлэргэр-бараргар, сынньанаргар даҕаны үчүгэй күннэр үүммүттэр. Харчы да боппуруоһа куһаҕана суох. Үлэҕэр да, дьиэҕэр да табыллыы күүтэр. Чугас дьонуҥ эбэтэр салалтаҥ көмөтүнэн ылсыбытыҥ барыта сатанан, туппутуҥ табыллан иһиэҕэ. Биир тылынан эттэххэ — ситиһиилэниэҥ. Онуоха бу күннэргэ тугу былааннаабытыҥ туолуо. Ол гынан баран, бырааһынньык күннэригэр салалтаҕар чугаһыы, биллэ-көстө сатаама. Ол балаһыанньаны уустугурдуон, былааныҥ тохтуутугар тиэрдиэн сөп. Чэппиэргэ чугас дьонуҥ, оҕолоруҥ эн болҕомтоҕор наадыйыахтара. Кинилэр доруобуйаларыгар болҕомтолоохтук сыһыаннас. Аҕам саастаах аймахтаргын кытары ирэ-хоро сэһэргэс. Ол кэлин үчүгэй хардалаах буолуоҕа. Аймахтар сыһыаннарын бөҕөргөтүөҕэ.
ХАХАЙ. Үлэҕэр-хамнаскар улахан уларыйыы чугаһынан көстүбэт. Нэдиэлэ саҥатыгар чугас дьоҥҥуттан үөрүүлээх сонуну истиэҥ. Ол эрээри, элбэх харчыны барыыргыттан санааҥ “оонньоон” ылыа. Кыыһырбыккын көрдөрүмэ. Эрэллээх дьоҥҥун тэйитиэххин сөп. Доруобуйаҕын умнума. Бэйэҕин чэбдигирдинэриҥ, эмтэнэриҥ наада буолбут. Балыыһаҕа сырыт, анаалыста туттар. Көрбөтөҕүҥ ырааппыт дьоҥҥун соһуччу көрсүөҥ. Бу күннэргэ сыалгын-соруккун толоруоҥ, ситэрбэтэххин ситэриэҥ. Онно чугас дьонуҥ көмөлөһүөхтэрэ, өйөбүл буолуохтара. Бырааһынньыкка бииргэ үлэлиир дьоҥҥун күндүлээ. Кинилэри үөрдүүҥ уон оччонон эргиллиэ. Үлэҕэр тирэхтэниэҥ.
КЫЫС. Бу күннэргэ элбэх сонуну истиэҥ. Нэдиэлэ саҥатыгар онно-манна кэлэн-баран түбүгүрүөҥ. Үлэҕин-хамнаскын, дьоҕургун дьоҥҥо-сэргэҕэ көрдөрдөххүнэ, үрдүктүк сыаналыахтара. Онуоха куонкуруска да, күрэхтэһиигэ да кытыннаххына сулустар миэстэлэһиэҥ диэн этэллэр. Оҕолоргун, тапталлааххын кытары иирсиэххин баҕарбат буоллаххына, туох эрэ үчүгэйи толкуйдаа, уратыны оҥор. Бэлэхтэ оҥор, кэнсиэргэ сылдьыҥ, сонун аста астаа. Быстах көргө-нарга аралдьыйыма, саҥа, сонун билсиһиигэ эрэҥкэдийимэ, спордунан дьарыктаныма. Өрөбүллэргин дьиэ кэргэҥҥин кытары атаар.
ЫЙААҺЫН. Нэдиэлэ саҥатыгар дьиэ эргиннээҕи боппуруостаргын быһаарыаҥ. Дьиэҕитигэр бииргэ көмөлөөн үлэлээтэххитинэ, сыһыаҥҥыт тупсуо, бөҕөргүө. Үп-харчы боппуруоһа күөрэйэн кэлиэ. Кирэдьиит ыларга тиэтэйимэ. Бэйэҥ хамнаскыттан бу күннэргэ кимиэхэ да иэс биэримэ даҕаны, ылыма даҕаны. Чугас дьонуҥ хамнастара үрдээн эбэтэр бириэмийэ тутан үөрдүөхтэрэ. Өрөбүллэргэ доҕотторгутун, аймахтаргытын кытары көрүс. Үчүгэй сонуну истиэҥ. Түүлгүн сыта-тура ырыҥалаан-ыараҥнатан көр. Бэйэҕэр болҕомтоҕун уур. Сотору үлэҕинэн саҥа билсиһии күүтэр. Ол кэлэр өттүгэр элбэх боппуруоһу быһаараргар көмөлөөх буолуоҕа.
СКОРПИОН. Тапталлааххын, чугас доҕоргун кытары иирсиэххин сөп. Туохтан барытыттан санааҥ түһүөх курдук буолуо, кыраттан да ньиэрбэнэйдиэҥ. Ол эрээри, кыыһыран бырдаатталаныма. Тиһэҕэр буруйдаах эн буолан тахсыаҥ. Хата ол оннугар, тас көрүҥҥэр, доруобуйаҕар болҕомтоҕун уур. Саҥа таҥаста атыылас, баттаххын кырыйтар, бүрүчүөскэҕин уларыт. Чугас доҕоруҥ, дьүөгэҥ, таптыыр киһиҥ, кэргэниҥ баҕа санаатын самнарыма. Киниэхэ өйөбүл буоллаххына, сотору кэминэн хайаҕытыгар да кыайыы-хотуу, ситиһии арыаллыа. Дьиэҕитигэр, тус олоххутугар уу-нуурал олохтонуоххут. Дьыалабыай кэскиллээх кэпсэтиилэр буолуохтарын сөп.
ОХЧУТ. Сотору кэминэн тус сыалгар үп-харчы наада буолан туруоҕа. Үлэҕин, тугу оҥоруохтааххын сиһилии былааннаатаххына, ситиһиилэниэҥ. Хаалларан сытыарбыт үлэҕин сөргүттэххинэ, бу күннэргэ түргэнник түмүктүөҥ. Улаханы атыылаһыыҥ, дьиэҕэр өрөмүөн оҥорууҥ эбэтэр үлэҕэр-хамнаскар сөргүтүнүүҥ ситиһиини тосхойор. Нэдиэлэ ортотугар чугас дьонуҥ үөрдүөхтэрэ. Күннээҕи режимҥин, аскын-үөлгүн уларытыыҥ доруобуйаҕын чэбдигирдинэргэр көмөлөөх буолуо. Сэрээккэ оҥорор, хамсанар-имсэнэр туһалаах буолуо. Түүлгүн, тугу истибиккин дьоҥҥо кэпсээмэ. Ыраахтан ыалдьыттар кэлиэхтэрэ эбэтэр көрбөтөҕүҥ ырааппыт билэр киһигин көрсүөҥ. Нэдиэлэ бүтүүтэ сыалыҥ-соругуҥ туолуоҕа.
ЧУБУКУ. Бу күннэргэ үлэҕин-хамнаскын сайыннарар, кэҥэтэр туһунан толкуйдар киириэхтэрэ. Сүрэҕэлдьээн, саллан эбэтэр кэнникигэ хаһаанан олорума. Ойоҕоскуттан ким эрэ кэлэн көмөлөһөрүн күүтүмэ. Тус бэйэҥ турунууҥ ситиһиилэниэ. Онуоха сулустар эн диэки мичик гыналлар. Элбэх көрсүһүүлэр, дьыалабыай кэпсэтиилэр буолуохтара. Эйигин туораттан көрөн сөбүлүүр киһи тугунан эрэ соһуччу үөрдүөҕэ. Билсиһии үчүгэй түмүктэрдээх буолуоҕа. Нэдиэлэ бүтүүтэ дьиэ кэргэҥҥэр, чугас дьоҥҥор, оҕоҕор-уруугар болҕомтоҕун уур. Имиджкин уларыт. Доҕотторгун көрүс. Аймахтаргын кытары кэпсэт, сибээстэс. Сибиэһэй салгыҥҥа сырыт.
КҮРҮЛГЭН. Түбүктэн-садьыктан сынньана түһүөххүн баҕараҕын эрээри, бииртэн-биир туох эрэ көстөн иһиэ. Онуоха сулустар бэйэҕэр болҕомтоҕун уураргар сүбэлииллэр. Туох баар түбүгү кыратык умнан, тэйэ түһэн, уу баар сиригэр сылдьаргар, сибиэһэй салгынынан тыынаргар этэллэр. Чугас дьоҥҥун, аймахтаргын-урууларгын, доҕотторгун кытары көрүс, сэһэргэс. Доруобуйаҕын көрүн. Йоганан дьарыктаннаххына, сэрээккэлээтэххинэ чэбдигириэҥ. Дьиэ кэргэҥҥэр барыта этэҥҥэ. Үп-харчы боппуруоһа үчүгэй. Үлэҕэр барыта этэҥҥэ.
БАЛЫКТАР. Нэдиэлэ саҥатыгар доҕотторгун-атастаргын кытары билсис, сибээстэс. Иллэҥ кэмҥин кинилэри кытары атаар, астына-дуоһуйа сынньан. Өссө тапталлааххын кытары бииргэ инникигитин ыралааҥ. Оччоҕо сотору туолуоҕа. Ыраахтан үчүгэй сонун истэн санааҥ көтөҕүллүө. Сотору бириэмийэ эбэтэр бэлэх тутуоҥ. Субуотаҕа элбэх киһи мустар сиригэр сырыттаххына, бэрт элбэхтэн соһуйуоҥ. Ону барытын сүрэххэр чугастык тутума. Онтон дьиэҕэр эбэтэр бэйэҕэр тугу эмэ атыылаһыаххын баҕарар буоллаххына, маҕаһыыҥҥа өрөбүлгэ сылдьарыҥ ордук буолуоҕа.
