Хой. Төһө да күүс-уох үөһэттэн кутуллан киирбит курдук буолбутун иһин, нэдиэлэ саҥатыгар туохха да мээнэ тиэтэйбэт, уолуһуйбат буоларга кыһалын. Саҥаны, сонуну саҕалыыр буоллаххына, оптуорунньук, сэрэдэ ордук. Кыраны да ситиһииҥ санааҕын көтөҕүө, үлэлиир дьоҕургун күүһүрдүө. Чэппиэргэ, бээтинсэҕэ бириэмэҕин харыстаа. Өрөбүллэргэр чугас ханна эмэ баран кэлиэххин сөп. Истиҥ билсиһии санааҕын кынаттыа.
Оҕус. Имиджкин уларытыыҥ үлэҕэр ситиһиилэнэргэр көмөлөһүө. Үлэҕэр сорудах элбиэҕэ, саҥа эбээһинэс сүктэриллиэ, онон болҕомтоҕун онно күүскэ хатыырыҥ ордук буолан туруо. Тугу да көтүппэккэ кыһамньылааххын көрдөргө дьулус. Тылгын-өскүн ордук бээтинсэҕэ, субуотаҕа кыатана тутун. Кыраттан иирсээн тахсыан сөп. Дьыалабыай айантан элбэх үчүгэйи ылыаҥ, билиэҥ-көрүөҥ.
Игирэлэр. Майгыгын-сигилигин кыатан. Ханна эрэ баран, айаннаан кэлиэххин сөп. Онтон санааҥ-онооҥ көтөҕүллүө, сонун сүүрээни олоххо киллэрэр баҕаҥ улаатыа. Онуоха саҥа билсиһии кынаттыа. Өрөбүллэргин туһалаахтык, сынньалаҥнык атаарарга кыһалын. Төһө да түбүктээх-садьыктаах күннэр буолбуттарын иһин, чугас дьоҥҥор болоҕомтоҕун уур. Кинилэр эн көмөҕөр, өйөбүлгэр наадыйалларын умнума.
Араак. Хаһааҥҥытааҕар да үлэҕэ-хамнаска, үөрэххэ-билиигэ кыһаллыаҥ, көхтөөх буолан туруоҥ. Доруобуйаҥ этэҥҥэ, күүс-уох да баһаам. Нэдиэлэ саҥатыгар урукку сыыһаларгын көннөрөргө кыһалын. Бээтинсэҕэ дьону-сэргэни кытары кэпсэтэргэр сэрэхтээх буоларыҥ ордук. Бу күннэргэ чугас дьонуҥ сүбэлэрэ-амалара тус олоххор туһалыахтара. Чугас киһиҥ болҕомтото тиийбэт курдук буолуо. Ол эрээри, онтон кыыһыран-абаран турума. Сотору барыта ааһыа, орун-оннугар туруо.
Хахай. Бу күннэргэ доҕотторгун-атастаргын кытары көрсүөҥ. Онуоха быһаарыахтаах боппуруоскар болҕомтолоох буоларыҥ ирдэнэр. Бастаан тулаҕын өйдөөн көр-иһит. Үлэҕэр-хамнаскар бэйэҥ көрүүлэргин киллэрэргэ кыһалын, туруорус. Дуоһунаһыҥ үрдүөн сөп. Ол гынан баран, биирдэ эмэ да буоллар сынньанар туһунан умнума ордук. Доруобуйаҕын көрүн. Сибиэһэй салгын туһалаах эрэ буолуоҕа.
Кыыс. Үлэҕэр да, тус олоххор да ситиһиилэнэҕин. Ол гынан баран, туох буоларын тиэтэтимэ. Барыта бэйэтин кэминэн, тэтиминэн барара ордук. Үлэҕэр, үөрэххэр болҕомтоҕун уур. Ордук сарсыарда хойутаама. Салалтаҥ этиитин өйөө, бииргэ үлэлиир дьонуҥ сүбэлэригэр болҕомтолоох буол. Оччоҕо элбэҕи ситиһиэҥ. Тылгын-өскүн кыатан. Ол быдан көмөлөөх уонна туһалаах буолуо. Кылгас уоппуска ылан сынньана, аралдьыйа түһэриҥ ордук.
Ыйааһын. Үлэҕэр сүүрэн-көтөн, аралдьыйыаҥ, хомойбуккун түргэнник умнуоҥ. Олоҕу-дьаһаҕы ырыта сатаама, дьоҥҥо-сэргэҕэ санааҥ-онооҥ түспүтүн кэпсээмэ. Күүстээх санааланнаххына, тугу барытын кыайа-хото тутуоҥ. Үлэҕэр улахан дьыалаҕа ылсыбыт, саҥаны-сонуну саҕалыырга былааннаммыт буоллаххына, оптуорунньук олус үчүгэй күн. Бу күн туппутуҥ барыта табыллар, санаа хоту салаллар. Арай, чугас дьоҥҥун кытары сыһыаныҥ “тымныйыан” сөп.
Скорпион. Саҥаны саҕалыыргар үчүгэй, ситиһиини тосхойор күннэр үүммүттэр. Онуоха эн сэрэйэн көрөр дьоҕуруҥ көмөлөһүө. Онон бэйэҥ да билбэккинэн туохтан эрэ долгуйаргын хааллар. Үлэҕин тулалыыр дьонуҥ көмөлөрүнэн кыайа тутаргын умнума. Тылыҥ-өһүҥ хаһааҥҥытааҕар да ылыннарыылаах буолбут кэмэ. Ону мүччү тутума. Бэл, билбэт да сиргэр тиийэн болҕомтону бэйэҕэр тардыаҥ.
Охчут. Түбүктээх күннэр үүммүттэр. Ол эрээри, онтон эбии харчылаһыаххын сөп. Үлэҕэр үүнэр-сайдар кэм кэлбит. Оптуорунньукка саҥаны саҕалаама. Биһириир, өйүүр дьоно суох хаалыаҥ. Нэдиэлэ бүтүүтэ түбүгүрүөҥ эрээри, түмүгэ ситиһиилээх буолан үөрдүө. Өрөбүл чугас дьоҥҥун кытары сыһыаҥҥын тупсараргар тоҕоостоох күн. Спордунан, физкультуранан дьарыктаныыҥ доруобуйаҕын тупсараргар улаханнык көмөлөһүө.
Чубуку. Туохтан барытыттан кыыһырыах-тымтыах эрэ санааҥ кэлэр. Ааспыт күннэргэ сүүрбүккүттэн-көппүккүттэн сылааргыыгын. Онно эбии сорудах сүктэрилиннэҕинэ, кыайыаҥ суоҕа. Онтон сылтаан ньиэрбэнэйдиириҥ өссө элбиэҕэ. Онон холкутук быһааран, сорудаҕы кэмигэр толорон эрэ быыһаныаҥ. Нэдиэлэ ортотугар кимниин да иирсибэт буола сатаа. Оччоҕуна эрэ арыый сынньаныаҥ. Өрөбүллэргин тус бэйэҕэр анаа. Кырдьаҕас, аҕам саастаах аймаҕыҥ тугу этэрин иһит.
Күрүлгэн. Үлэҥ, түбүгүҥ олус элбэх. Олору түргэнник толороруҥ ирдэнэр. Бэл, барытыгар эбии бириэмэ наада курдук. Итинтэн сылтахтанан, тус олоҕуҥ туһунан умнаргар тиийэҕин. Ону чугас дьонуҥ, доҕоруҥ, кэргэниҥ өйдөөмүөхтэрин, кыыһырыахтарын сөп. Бэл, тас аймахтар эн үрдүгүнэн «көтөргө» бэлэмнэр. Үлэҥ таһынан, кинилэр эппиттэрин толорорго күүскүн-уоххун бараама, «ээҕи» кытта сылдьыма. Ол оннугар, доруобуйаҕар болҕомтоҕун уур. Үп-харчы боппуруоһа үчүгэй.
Балыктар. Бу нэдиэлэ дьыалабыай сибээстэринэн толору. Урукку үөрүйэхтэргин тутустаххына, түргэн-тарҕан уонна дьаһаллаах буоллаххына, элбэҕи ситиһиэҥ. Сотору кэминэн үп-харчы тутуоҥ. Эбии харчылаһар да кыах үөскүө. Ол гынан баран, итинтэн сылтахтанан, биир тэрилтэҕэ үлэлиир дьоҥҥун кытары тыл тылга киирсимиэххин сөп. Оттон тапталлааххын кытары истиҥ көрсүһүү туһунан кылгас да кэмҥэ умнаргар тиийииһигин. Ол оннугар, соһуччу көрсүһүү эйигин үөрдүөҕэ.
