ХОЙ. Бу нэдиэлэҕэ олус түбүгүрбэккэ сылдьа түһэриҥ ордук буолуоҕа. Туохха эмэ быһаччы быһаарыыны оҥорума. Ол оннугар тус бэйэҕэр, ордук доруобуйаҕар болҕомтоҕун уур. Бырааска сырыт, диетаҕын тутус, үчүгэйдик сынньан, уугун хана утуй.
Үлэҕэр-хамнаскар уларыйыы-тэлэрийии бөҕө буолуоҕа. Онон чуор буол, болҕомтоҕун уур, сарсыардатын эрдэлээн кэл. Сонун сүүрээҥҥэ, этиигэ көхтөөхтүк ылыс. Дуоһунаһыҥ үрдүөн эбэтэр хамнаһыҥ эбиллиэн сөп.
Суолга-иискэ тиэтэйимэ. Билбэт дьоҥҥун кытары алтыһыма. Оттон өрөбүллэргин чугас дьоҥҥун кытары атаар.
ОҔУС. Бу күннэргэ чугас дьонуҥ эн болҕомтоҕор наадыйыахтара, ону өйдүүргэ, кинилэргэ чугас буоларга кыһалын. Тыл-тылга киирсибэт да түгэҥҥитигэр, холку буола сатаа. Аҕам саастаахтары кытары элбэхтик алтыс, кинилэр тугу этэллэрин бол5ойон иһит.
Үлэҕэр-хамнаскар түбүк-садьык хаһааҥҥытааҕар да элбиэҕэ. Сорудаҕы барытын бэйэҥ санныгар сүгүмэ. Бииргэ үлэлиир кэлэктиипкэр көрөн үллэр. Оттон дьиэҥ-уотуҥ түбүгүн-садьыгын дьоҥҥун кытары көмөлөө.
Бырааһынньыкка ыҥырдахтарына, аккаастаныма. Сулумахтар олохторун аргыһын көрсүөхтэрин сөп.
ИГИРЭЛЭР. Бу күннэргэ тус бэйэҕэр, дьиэҕэр-уоккар тулаҥ хаһааҥҥытааҕар да чуумпурбут курдук буолуоҕа. Туох барыта уруккутун курдук оргууй устуо. Оттон дьиэҕэр түбүк-садьык көһүннэҕинэ, тута көмөлөөн бүтэрэн иһиэххит. Ол да буоллар, доруобуйаҕын умнума. Сибиэһэй салгыҥҥа хаамп, хамсан-имсэн.
Үлэҕэр барыы-кэлии элбиэ. Оттон сорудах сүктэрилиннэҕинэ, тута түмүктүүргэ, бүтэрэн-оһорон иһэргэ турун. Хаһаанан сытыарбыт үлэҕин эмиэ бүтэрэриҥ ордук буолуоҕа. Билэр дьоҥҥун, кэллиэгэлэргин кытары үһү-тамах кэпсэтиини ырытыма.
Доҕотторгун кытары көрсөртөн аккаастаныма. Массааска сырыт, бассейнҥа сөтүөлээ. Сылайбытыҥ түргэнник ааһарыгар көмөлөөх буолуоҕа.
АРААК. Нэдиэлэ саҥа уонна бэйэҥ да соһуйуоҥ иһин, олус туһалаах көрсүһүүлэринэн элбэх. Онуоха соһуччу да көрсүһүү баар буолуоҕа. Биир тылынан эттэххэ, барыта этэҥҥэ, үчүгэй. Ханнык баҕарар сэҥээрбит тиэмэҕэр бэртээхэй сүбэни-аманы ылыаҥ. Ыраахтан кэһии тутуоҥ.
Үлэҕэр-хамнаскар туһалаах этиилэри истиэҥ. Саҥа, сонун толкуйгун олоххо киллэрэргэ дьулус. Салалтаҥ бэлиэтиэ. Эбии харчы тутуоххун эбэтэр харчылаһар кыах үөскүөн сөп. Оттон ыраахтан сонун истииҥ настарыанньаҕын көтөҕүө.
Чугас доҕоргун, тапталлааххын кытары кыраттан да сылтахтанан иирсэн туруоххун сөп. Сулустар бу күннэргэ, ордук өрөбүллэргэ, дьиэ-уот үлэтигэр ылсаргар сүбэлииллэр.
ХАХАЙ. Чугас дьоҥҥун, аймахтаргын кытары сыһыаҥҥар үөскээбит тыҥааһыны тохтотор кыахтаныаҥ. Ол да буоллар, кинилэргэ эрэ болҕомтоҕун уурума. Тус бэйэҥ тускунан саныыр кэмиҥ кэлбит. Саҥа таҥаста-сапта ылын, доруобуйаҕын көрдөрүн.
Үлэҕэр-хамнаскар ситиһиилэниэҥ. Дьыалабыай кэпсэтиилэри, көрсүһүүлэри саталлаахтык салайыаҥ. Саҥа-сонун да сүүрээни, былааны олоххо түргэнник киллэриэҥ. Барыта санаабытыҥ хоту табыллыа. Эбии харчылаһаргар этии кириэн сөп.
Олоҕуҥ аргыһын кытары сыһыаҥҥыт хаһааҥҥытааҕар да тупсуо. Оттон сулумахтары наһаа интэриэһинэй, сэргэхситэр билсиһии күүтэр.
КЫЫС. Бу күннэргэ бииртэн биир соһуччу үөрүү күүтэр. Ким эрэ бэлэх оҥоруо, ким эрэ үчүгэй сонунунан үөрдүө, салалтаҥ үлэҕин бэлиэтиэ, тапталга билиниэхтэрэ. Саҥа билсиһиилэр кытары эйиэхэ үчүгэй дьайыылаах буолуохтара.
Оттон үлэҕэр-хамнаскар улахан уларыйыы суох. Кылаабынайа бириэмэҕин тутус, сорудаҕы кэмигэр толорон ис. Кылгас да кэмҥэ бириэмэлэнэххинэ, үлэҕэр, кэллиэгэҕэр көмөлөс. Барыы-кэлии барыта табыллыа. Кылаабынайа барытын кэмигэр толор.
Дьиэҕэр-уоккар улаханы атыыластаххына, өр сулууспалыа. Өрөбүллэргин чугас дьоҥҥун кытары атаар.
ЫЙААҺЫН. Сылайбыт-элэйбит курдук буолуоҥ. Уугун хаммакка эрэйдэниэҥ. Дьарҕарбыт ыарыыҥ көбөн эрэйдиэ. Эбэтэр тымныйбытыҥ ааспакка-арахпакка моһуоктуо. Сыта-сынньана түһэр бокуой көстөрө саарбах.
Тоҕо диэтэххэ, үлэҕэр-хамнаскар түбүк-садьык хаһааҥҥытааҕар да элбээн туруоҕа. Салалтаҥ ирдэбилин, биэрэр сорудаҕын толороруҥ наада курдук буолуоҕа. Сарсыҥҥыга хаһаанаргын, кэнникигэ уураргын ким да сөп диэ суоҕа.
Дьиэҥ-уотуҥ, чугас дьонуҥ эрэ эйиэхэ сылаас сыһыаннарынан, өйөбүллэринэн көмөлөһүөхтэрэ, күүһү-уоҕу биэриэхтэрэ.
СКОРПИОН. Элбэх киһи кэпсэтиитигэр тылга-өскө тииһимэ. Оттон эйиигиттэн үрдүк дуоһунастаахтар сэмэлэригэр утары саҥарыма. Бэйэҥ санааҕын кимиэхэ да соҥноомо. Туппуккун торуоска оҥостон, үлэлээбитиҥ курдук үлэлии-хамсыы сырыт.
Көрсүһүүлэргэ үөрэ-көтө сырыт, ис санааҕын, бэйэҥ көрүүгүн быктарыма. Түүлгүн-биккин да ыһа-тоҕо кэпсээмэ. Ким да өйдүө суоҕа. Төттөрүтүн бэйэҕэр охсуулаах буолан тахсыан сөп. Ыраах айаҥҥа бара сатаама. Суолга-иискэ сэрэхтээх буол.
Бу күннэргэ үтүө сонуну ыраахтан истэн үөрүөҥ. Оттон сулумахтары соһуччу көрсүһүүлэр үөрдүөхтэрэ. Олохторун аналын көрсүөхтэрин сөп.
ОХЧУТ. Дьон дьоҥҥо араас сыһыанын уу хараххынан көрөн улаханнык соһуйуоҥ. Онуоха атаҕастаммыты, баттаммыты көмүскүүртэн куттаныма. Кылаабынайа, кырдьыктаах суолу тутус. Оттон тус бэйэҕэр, ордук аһыыр аскар-үөлгэр, диетаҕа болҕомтоҕун уур. Бырааска сылдьан сүбэлэт.
Бу күннэргэ үлэ-хамнас түбүгүттэн ордубат курдук буолуоҥ. Нэдиэлэтээҕигин барытын сөпкө аттарарга кыһалын, былааннаа. Оччоҕуна дьиэҕэр да, үлэҕэр да элбэҕи ситиһиэҥ, кэмигэр толорон иһиэҥ. Эбии сорудахтан аккаастаныма.
Киэһээтин уонна өрөбүллэргин тус бэйэҕэр анаа. Сөпкө утуйан, туран сырыттаххына күүс-сэниэ киириэ.
ЧУБУКУ. Тус бэйэҥ олоххор, дьиэҕэр-уоккар уларытыы-тэлэритии бөҕөтүн киллэрэрдии санаммыккын. Ылсыбыккын ыһыктыбакка тиһэҕэр тиэдэргэ дьулус. Сатаныа. Оттон түһээбиккин мээнэ кэпсээмэ. Сэрэйэн көрөр дьоҕургар болҕомтоҕун уур.
Дьыалабыай көрсүһүү, үлэҥ былаана барыта оннун-сүнньүн булан иһиэ. Тылгын-өскүн сатаан ылыннарыаҥ, өскөтүн холкутуйдаххына, киэҥ көҕүстэннэххинэ. Оттон үп-харчы үрдүүрүн туһунан кэпсэтиини билигин саҕалаабатыҥ ордук.
Өрөбүллэргин дьиэҕэр-уоккар атаар. Ыраахтан ыалдьыттар кэлиэхтэрин сөп.
КҮРҮЛГЭН. Ким эрэ эйиигиттэн сэниэҕин-онооҕун ыла сатыырын сэрэйиэҥ. Сылайбыт-элэйбит курдук буолан хааллаххына, түгэн көһүннэр эрэ сынньана, уоскуйа сатаа. Сөптөөх хамсаныы-имсэнии да туһалыа. Сэрэйэн көрөр дьоҕуруҥ күүһүрбүт.
Үлэҕэр барыта уруккутунан. Ол эрээри, сонун сүүрээни, болҕомтону тардары бу күннэргэ киллэрэн иһэртэн туттунума. Кыаллыа. Оттон эбии харчылаһаргар этии киирдэҕинэ, аккаастаныма, кыайа-хото тутуоҥ. Ыраахтан үчүгэй сонун истэн үөрүөҥ.
Элбэҕи аах, билиигин-көрүүгүн хаҥат. Сөбүлүүр дьарыккар ылыс. Барыта кыаллыа, табыллыа.
БАЛЫКТАР. Бу күннэргэ көрсүһүү бөҕө буолуоҕа. Аймахтар, табаарыстар, билэр дьонуҥ. Төһө да бириэмэ, соло-билэ суох курдугун иһин, доруобуйаҕар болҕомтоҕун уураргар сөп буолбут. Сөптөөх хамсаныы-имсэнии, йоганан дьарыктаныы сэниэни-оноону биэриэхтэрэ.
Оттон үлэҕэр түбүк-садьык үөскүү туруоҕа. Кылаабынайа, барытын сөптөөх кэмигэр түмүктээн иһэргэ кыһалын. Ордук бу күннэргэ былаанынан хардыылаа. Табыллыа. Хамнаскар туох да уларыйыы суох. Салалтаҕын кытары ити туһунан кэпсэтэн билигин туһа тахсыа суоҕа.
Үчүгэй, үөрүүлээх сонун санааҕын улаханнык көтөҕүө. Саҥа билсиһии үлэҕэр-хамнаскар үчүгэйинэн дьайыа.