ХОЙ
Кыһалҕаны быһаарарга, урукку өттүгэр болҕомто уурбакка сылдьыбыт дьыалаҕын ситэрэргэр табыгастаах күннэр үүнүөхтэрэ. Кырдьаҕас аймахтаргар болҕомто ууран, кинилэр мындыр сүбэлэрин ылынан дууһалыын уоскуйуоҥ.
ОҔУС
Үлэҕэр-хамнаскар бэйэҕин үлэһит быһыытынан көрдөрөр кэмиҥ кэлбит. Дьону кытта уопсай тылы түргэнник булар ураты дьоҕуруҥ онуоха көмөлөһүөҕэ.
ИГИРЭЛЭР
Эн ситиспэтэх дьыалаҥ суоҕун кэриэтэ. Оннооҕор саҥа соруктары, уустук дьыалалары ситиһиилээхтик быһаарар кыахтааххын. Онуоха сэрэйэн көрөр дьоҕуруҥ көмөлөһүөҕэ.
ХАХАЙ
Бар дьоҥҥо олоххо көрүүгүн дакаастыырыҥ уустуктардаах буолуоҕа. Ол эрээри санааҕын онтон түһэримэ. Үлэҕэр-хамнаскар барыта этэҥҥэ.
АРААК
Дьоһуннаах нэдиэлэ үүнүөҕэ. Үгүс дьыаланы саҥалыы көрүөҕүҥ. Эрэнэр чугас дьонуҥ сүбэлэрин ылынан олоххо саҥа хайысхалары булуоҥ. Элбэх кыһалҕаны быһаарар кыахтааххын.
КЫЫС
Нэдиэлэ саҥата чугас дьоҥҥун кытта сыһыан тымныйан ылыаҕа. Эн санааҕар былааннаабыт дьыалаҕын чугас дьонуҥ атахтыыр курдуктар. Эйиэхэ үчүгэйи баҕаралларын, көмөлөһө, өйүү сатыылларын умнума.
ЫЙААҺЫН
Кыра аайыттан кыйаханаргын тохтотон, балаһыанньаны холкутук анааран көрдөххүнэ, барыта орун оннугар буолуоҕа. Уоскуйан эрэ баран бары кыһалҕаны быһаарар кыахтааххын. Дьыалабыай кэпсэтиилэр, истиҥ көрсүһүүлэр этэҥҥэ ааһыахтара.
СКОРПИОН
Ситиһиилээх нэдиэлэ күүтэр. Саҥа сыал-сорук туруорунан элбэҕи ситиһиэххин сөп. Ханнык да мэһэйдэр эн сыалгын ситиһэргэр мэһэйдиэхтэрэ суоҕа.
ОХЧУТ
Нэдиэлэ судургута суох саҕаланыаҕа. Эн олоххо көрүүгүн өйдөөбөттөрүттэн, ылымматтарыттан тулалыыр дьоҥҥун кытта кыыһырсыаххын сөп. Ылбыт билиигин бар дьону кытта үллэстэри сатаабаккыттан эрэйдэнэҕин.
ЧУБУКУ
Быһаарыныы ылынан сып-сап хамсаннаххына, элбэҕи ситиһиэҥ. Наһаа уһуннук, киэҥник толкуйдууруҥ олох хаамыытын бытаардарын умнума. Санаабыккын ситиһэргэр тоҕоостоох кэм.
КҮРҮЛГЭН
Үүнэр нэдиэлэҕэ түргэн-тарҕан буоларыҥ ирдэнэр. Дьыалабыай кэпсэтиилэргэ бэйэҕин туттуна соҕус тутун. Буолар быһыыга-майгыга холку майгыҥ көмөлөһүөҕэ.
БАЛЫКТАР
Наһаа түбүктээх нэдиэлэ күүтэр. Бириэмэҕин сөпкө аттаран сааһыланнаххына, элбэҕи ситиһиэҥ. Саҥа дьону кытта билсиһиилэр ситиһиилээх буолуохтара. Үп-харчы сөбүгэр баар.
Ульяна ЗАХАРОВА бэлэмнээтэ.