Муус устар 23 күнүгэр Москваҕа «КАРО 11 Октябрь» киинэ тыйаатырыгар Эдуард Новиков «Царь-птица» киинэтин сүрэхтэниитэ буолла. «Царь-птица» 40-с Москваҕа норуоттар икки ардыларынааҕы киинэ бэстибээлин бырагырааматыгар киллэриллибитэ.
«Царь-птица» киинэ сүрэхтэниитин сүүһүнэн киһи көрө кэлбит. Киинэни көрбүт дьон сөхпүттэр. Бу киинэҕэ Эдуард Новиков ааспыт үйэ 30-с сылларыгар олорбут сахалары көрдөрбүт. Дириҥ ис хоһоонноох, дьон үтүөтэ, айылҕа көстүүтэ, ыарахан олох ойууламмыт киинэтин ыалдьыттар харах уулаах көрбүттэр.
Саха Өрөспүүбүлүкэтин бастайааннай бэрэстэбиитэлэ Юрий Куприянов Ил Дархан Егор Борисов аатыттан киинэни устубут дьоҥҥо махтал тылларын тиэрдибит.
«Бүтүн Арассыыйа аатыттан биһиги киинэбит норуоттар икки ардыларынааҕы бэстибээлгэ кыттар чиэстэммитинэн киэн туттабыт. «Царь-птица» киинэ бэстибээлгэ үчүгэйдик сыаналанан, өссө үрдүк таһымҥа тахсыа диэн эрэнэбит»,- диэбит Юрий Куприянов.
Николай ПОПОВ, «Саха сирэ» хаһыат, edersaas.ru
+1
+1
+1
+1
+1
+1
+1