Өрөспүүбүлүкэтээҕи Muus uStar ыччат бэстибээлин чэрчитинэн сценарий куонкуруһа саҕаланна. Кулун тутар 15-20 күннэригэр «Сахафильм» киинэ хампаанньата кылгас кээмэйдээх киинэлэргэ сценарий суруйуутугар номнуо сайаапкалары хомуйан саҕалаата.
Куонкурус сүрүн сыалынан, сценарийы саҥа суруйааччыларга, режиссердарга сөптөөх тирэҕи тэрийии буолар. Куонкуруска 35-гэр диэри саастаах ыччат дьон кыттар. «Бастыҥ кылгас кээмэйдээх киинэ» диэн номинацияҕа ( 5-20 мүнүүтэ уһуннаах) куонкурус биллэриллэр. Куонкуруска ханнык баҕарар жанрга сценарийы суруйуохха сөп. Бастыҥ сценарийдар «Сахафильм» өйөбүлүн ылыахтара, ону сэргэ, олоххо киирбит бастыҥ бырайыактар кылгас кээмэйдээх «Республика кино» диэн куонкурус бэстибээлигэр ыҥырыллыахтара.
Наҕараадалааһын үөрүүлээх быһыыга-майгыга «Триумф» успуорт комплекска Muus uStar бэстибээл кэмигэр ыытыллыаҕа.
Куонкуруска кыттыан баҕалаахтар сайаапкаҕытын ыытарга сканердаммыт көрүҥүнэн сценарийгытын, онно быһаарыы аннотациятын сыһыаран word эбэтэр PDF форманан толорон маннык аадырыска толорон ыытаҕыт: respublika.kino@yandex.ru
89142733715 нүөмэргэ эрийэҥ билсиҥ.
Ульяна ЗАХАРОВА.