Экэниэмикэ

«Сахаэнерго» хотугу улуустарга оттугу былаан быһыытынан тиэрдэр

«Сахаэнерго» АУо хоту улуустары уотунан, итиинэн хааччыйар буолан, уу суолунан сылын аайы оттугу тиэйэр.

Быйылгы былаан быһыытынан хампаанньа  70099,95 туонна сэлээркэни (ол иһигэр 11739 туонната  аара суолга харайыллар, депонация), 300 туонна  ньиэп бородууктатын уонна 18840 туонна таас чоҕу улуустарга тиэрдиэхтээх.  Нэдиэлэ ортотунааҕы туругунан, былааннаммыт сэлээркэттэн 44182 туоннатын аадырыстарга  тиэрдибит, уоннааҕыта суудуналарга тиэллибит.  Ньиэп бородууктата (300 туонна)  барыта аадырыһын булбут.    Былааннаммыт таас чохтон 4248 туонната улуустарга тиэрдиллибит.

«Хампаанньа хас биирдии филиалларыгар  оттугу тиэрдии  кыраапык быһыытынан бара турар.  Токко  өрүс уута түһүөн аҕай иннинэ уу суолунан таһаҕаһы тиэйии маҥнайгы түһүмэҕин этэҥҥэ түмүктээбиппит», — диэн «Сахаэнерго» АУо  генеральнай дириэктэрин  ресурсанан хааччыйыыга  солбуйааччы Сергей Куртуяхов иһитиннэрдэ.

Билиҥҥи туругунан «Сахаэнерго» АУо уу суолунан Абый, Алдан, Аллайыаха, Анаабыр, Булуҥ, Үөһээ Халыма,  Дьааҥы, Эдьигээн, Кэбээйи, Ленскэй, Аллараа Халыма, Өлүөхүмэ,  Орто Халыма, ​ ​Уус Маайа уонна Усуйаана улуустарыгар оттугу тиэйэр.

0
0