«Сахаэнерго» Хоту дойду уонна Артика уот эбийиэктэрин кыстыкка бэлэмниир
Өрөмүөн бырагырааматын хас да хайысханан ыыталлар. Дизельнэй оборудованиены өрөмүөннээһин сылы эргиччи барар, ол эрээри от уонна атырдьах ыйдарыгар бу үлэ күүһүрэр. Бүгүн уот хампаанньатын үлэһиттэрэ 23 улууска ДЭС 116 дизельнэй агрегатын өрөмүөннүүллэр.
Сахаэнергоҕа хапытаалынай өрөмүөн былааннаахтык барар, эргэрбит уот оборудованиетын уларыталлар. Билигин быйыл былааннаммыт 106 км салгын линиятыттан 40 км өрөмүөннээтилэр. Трансформатордар кыамталарын өрөмүөнүн үлэтэ аҥаара туолла. Уот тирэх остуолбаларын саҥардыы барар, 517 тирэҕи саҥартылар.
Депутатскайдааҕы ТЭЦ-кэ хочуолунай уонна көмөлтө оборудовние өрөмүөннэнэр, ону тэҥэ 2,9 км инженернэй ситими оҥороллор.
“Хамсык өрөмүөн бырагырааматыгар дьайда, чуолаан, оборудованиены уонна матырыйаалы тиэйии тардыллыбыта. Уот эбийиэктэрэ кыстыкка бэлэмнэригэр нэһилиэнньэ төлүүр дьиссипилиинэтиттэн тутулуктаах. Онон нэһилиэнньэни уонна тэрилтэлэри счеттаргытын кэмигэр төлүүргүтүгэр ыҥырабыт. Оччоҕо эрэ кыстыгы этэҥҥэ аһарыахпыт”, — диэн бэлиэтээтэ “Сахаэнерго” АУо генеральнай дириэктэрэ Гаврил Алексеев.
Дизельнэй оттугу тиэрдиигэ навигация бастакы түһүмэҕэ түмүктэннэ, онон Алдан, Өлүөхүмэ, Кэбээйи, Эдьигээн улуустарын дизельнэй уот ыстаансыйалара хааччылыннылар. Билигин иккис түһүмэҕинэн хоту өрүстэринэн 66170 туонна дизельнэй оттук тиэрдиллэр. Дьокутаатскайдааҕы ТЭЦ анаан 18000 туоннаны илдьиэхтэрэ.
“Сахаэнерго” АУо
Бэлэмнээтэ Женни Стрюкова
Хаартыска: тустаах саайтан