Тыа хаһаайыстыбатын миниистирэ Александр Атласов «Сахабулт» концернҥа уонна «Якутопторг» АУо-а сылдьан, күннээҕи үлэни-хамнаһы билистэ.
edersaas.ru
«Якутопторг» АУо өрөспүүбүлүкэ нэһилиэнньэлээх пууннарыгар тыа хаһаайыстыбатын бородууксуйатын итиэннэ социальнай суолталаах аһылык табаарын тиэрдиигэ идэтийэн үлэлиир. Кулун тутар 25 күннээҕи туругунан, 4 313,67 т таһаҕаһы тиэрдиэхтээҕиттэн 4 180,38 туоннаны тиэрдибит, ол эбэтэр былаанын 97 % толорбут.
Александр Атласов икки тэрилтэ салалталарын кытары көрсүһүүгэ күннээҕи үлэ-хамнас хаамыытын таһынан коронавирус дьаҥыттан сэрэтэр дьаһаллары күүһүрдэр туһунан кэпсэттэ.
Хаһаайыстыбалар салайааччылара билиһиннэрбиттэринэн, производствоҕа куттал суох буолуутун дьаһаллара күннэтэ ылыллаллар эбиттэр. «Сахабулт» иистэнэр сыаҕын үлэһиттэрэ министиэристибэҕэ көмүскэнэнр мааскалары тигэн биэрдилэр диэн тыа хаһаайыстыбатын министиэристибэтин пресс-сулууспата иһитиннэрэр.
Раиса Сибирякова, «Саха сирэ» хаһыат, edersaas.ru