Тыа хаһаайыстыбата Үөрэх уонна наука

Саха ынаҕын чинчийиэхтэрэ

Бэс ыйын 11 күнүгэр АГАТУ үлэһиттэрэ, устудьуоннар практикаларын уонна үлэҕэ кириилэрин салаатын салайааччыта Вячеслав Александров уонна ветеринарнай эмтиир факультет акушера Владимир Габышев “Орто дойду” зоопаркаҕа тиийэ сырыттылар.

Университет үлэһиттэрэ саха  ынаҕын буоһатыыга үлэ ыыттылар. Үс ыйынан бу ынаҕы УЗИ көмөтүнэн чинчийэн, салгыы үөрэтэллэрэ былааннанар. Бу үлэ чэрчитинэн устудьуоннар уонна учуонайдар саха ынаҕын иһин физиология уонна паталогия өттүттэн кэтээн көрүөхтэрэ.

Санатан эттэххэ, бу күннэргэ АГАТУ үрдүк үөрэх кыһата “Орто дойду” зоопарканы кытта бииргэ үлэлэһии сөбүлэҥин түһэрсибиттэрэ. Бу сөбүлэҥ иһинэн араас научнай чинчийиилэр, устудьуоннары бэлэмниир бырайыактар ыытыллыахтара.

«Саха сирэ» хаһыат, edersaas.ru

Хаартыска sakha.gov.ru

0
0