«Саха ыччатын — промышленноска» экспедиция кыттыылаахтара быһа эфиргэ тахсыахтара

«Саха ыччатын — промышленноска» ыччаты идэҕэ туһаайар экспедиция кулун тутар 27 күнүттэн муус устар 4 күнүгэр диэри ыытылынна. 

Дьокуускай куораттан, Хаҥалас, Нам, Горнай, Бүлүү, Үөһээ Бүлүү, Кэбээйи, Мэҥэ Хаҥалас, Уус Алдан, Чурапчы, Таатта, Амма, Сунтаар, Мииринэй улуустарыттан барыта сүүрбэ үөрэнээччи  «Дьокуускай — Алдан — Нерюнгри — «Восточнай» космодром — Дьокуускай» хайысханан сырыттылар.  Оҕолор Алдаҥҥа «Селигдар көмүһэ», «Газпром трансгаз Томск», «Полюс Алдан», Нерюнгрига «Якутуголь», «Колмар» хампаанньалары уонна «Илин» космодрому көрдүлэр. Муус устар 5 күнүгэр сарсыарда 9 чаастан   Бэчээт дьиэтигэр медиакииҥҥэ буолар экспедиция кыттыылаахтарын пресс-конференцияларын ysia.ru сайтка быһа эфиргэ көрүөххүтүн сөп.

Николай ПОПОВ, «Саха сирэ» хаһыат, edersaas.ru