Саҥа дьылы – “Истиҥ бэлэхтээх” көрсүҥ!
Биһиги көлүөнэттэн көлүөнэҕэ бэриллэн кэлбит үтүө үгэспит тылбытыгар-өспүтүгэр, ырыабытыгар-тойукпутугар, үйэлэри уҥуордаан илдьэ кэлбит дьарыкпытыгар, оһуорбутугар-мандарбытыгар, таҥаспытыгар-саппытыгар, иһиппитигэр-хомуоспутугар иҥэн сылдьар. Онуоха биһиги үрдүк култуурабытын көрдөрөр, киэҥ эйгэҕэ таһаарар биир баар-суох дьэрэкээн көстүүлээх иһиппитин-хомуоспутун Ольга Григорьева салайааччылаах “Көмүлүөк” хампаанньа айан-тутан, оҥорон таһаарар.
Кимиэхэ да кистэл буолбатах, “Көмүлүөк” иһиттэрэ хас биирдии саха ыалын маанылаах сандалытын кэрэ киэргэллэрэ, үтүө үгэс түсчүттэрэ буолаллар. Сыл ахсын хампаанньа оҥорон таһаарар бородууксуйаларын кэккэтэ хаҥаан, хаачыстыбата үрдээн иһэр. Быйыл эмиэ “Көмүлүөк” үлэһиттэрэ атыылаһааччыларыгар араас эриэккэс, сэдэх көстүүлээх, дьэрэкээн ойуулаах-бичиктээх кэллиэксийэлэрин бэлэмнээтилэр.
Хас биирдии саха ыалыгар – көмүлүөк оһох баар буоллун!
Көмүлүөк сахаҕа дьиэ сылааһын, ырааһын, нус-хас туруктааҕын бэлиэтэ буолар. Маныаха, хампаанньа мындыр маастардара оҥорон таһаарбыт көмүлүөк оһохторо бастыҥ бэлэх буолуохтара. Ыаллар дьиэлэрин, кыбартыыраларын ыраастаналларыгар, сыт таһааран туруктарын бөҕөргөтөллөрүгэр, арчыланалларыгар, алгыстаналларыгар аналлаах көмүлүөк оһохтор атыыга тахсыбыттар. Биһиги билигин олус сайдыылаах, киириилээх-тахсыылаах олоххо олоробут. Балысхан сайдыы быыһыгар сүтэн-мунан хаалбат туһугар үтүө култуурабытын иҥэрэн илдьэ сылдьыахтаахпыт. Оччотугар биһиги норуот быһыытынан хас да төгүл күүстээх, бигэ санаалаах, бэйэҕэ эрэллээх буолуохпут. Онно “Көмүлүөк” оҥоһуктара төһүү күүс, ураты тыын буолаллара саарбахтаммат. Кинилэр айан таһаарар иһиттэрэ-хомуостара аныгы олох тэтимин кытта бииргэ хардыылыыллар, сайдыы суолун тобулаллар. Бу кэллиэксийэни фарфортан уонна таастан оҥоһуллубут чорооннор, кытыйалара өссө тупсаран, эбэн-сабан биэрэллэр.
“Истиҥ бэлэх” Саҥа дьыллааҕы кэллиэксийэ
Дьэ, билигин Саҥа дьыллааҕы сүпсүлгэн, кэлии-барыы, бырааһынньыктааҕы настарыанньа уһуктан эрэр буолуохтаах. Чугас дьоммутун тугу бэлэхтээн үөрдэбит? “Истиҥ бэлэҕи” утары уунан үөрдэбит. Бэлэхтээх хоруопка иһигэр фарфор курууска эбэтэр чороон, фарфортан Хаарчаана уонна Тымныы оҕонньор харыйа оонньуурдара, аккырыыкка уонна истээх үтүлүк киирэллэр. Маннык бэлэҕи туппут киһи, ама, үөрүө, долгуйуо суоҕа дуо? Атыылаһааччы үтүө баҕатынан “Истиҥ бэлэҕин” эбэн-сабан, көҕүрэтиэн, атыннык дьаарыстаан биэриэн сөп. Маны таһынан, биирдиилээн харыйа оонньуурдара, кырасыабай сервистэр, Саҥа дьыллааҕы ойуулаах-бичиктээх иһиттэр, о.д.а. атыыга киэҥник таҕыстылар.
Удамыр сыана, үрдүк хаачыстыба
Киһи тугу эмэ атыылаһаары гыннаҕына, өрүү сыанаҕа, хаачыстыбаҕа болҕомтотун уурар. Бастаан хараххынан көрөн хайгыыгын, оттон, дьэ, атыылаһар толкуйга түһэҕин. “Көмүлүөк” иһиттэрэ 15 сыл тухары саха атыылаһааччыларын арыаллаан кэллилэр. Бу сыллар тухары төһөлөөх элбэх кэллиэксийэ күн сирин көрбүтэ буолуой? Төһөлөөх элбэх иһит-хомуос дьиэ кэргэни маанылаах сандалы тула түммүтэ буолуой? Биллэн турар, бу сыралаах үлэ айар куттаах хамаанда ситиһиитэ буолар. Хас биирдии оҥоһукка дизайнердар, худуоһунньуктар, маастардар, о.д.а. сылаас дууһаларын, ураты дьоҕурдарын, сатабылларын аныыллар. Кэлэктиип бэйэ икки ардыгар убаастабыллаах, истиҥ, сылаас сыһыаннааҕа кинилэр айан таһаарар бородууксуйаларыгар бигэтик көстөр. “Көмүлүөк” хампаанньа айан таһаарбыт сахалыы оһуордаах-мандардаах оҥоһуктара өрөспүүбүлүкэҕэ эрэ буолбакка, бүтүн аан дойду
таһымыгар киэҥник биллэллэр. Маныаха үрдүк хаачыстыбалаах мал-сал хайаатар да сыаналаах диэн буолбатах. “Көмүлүөк” маастардара хас биирдии киһи хармааныгар сөп түбэһэр гына, араас сыаналаах оҥоһуктары атыыга таһаараллар, ол иһин бородууксуйалара хамаҕатык атыыга барар. Онон биһиги сахабыт култууратын, үгэстэрин киэҥ араҥаҕа тарҕата сылдьар биир-баар суох тэрилтэбитигэр махталбыт муҥура суох.
“Көмүлүөк” иһиттэрин хантан, хайдах атыылаһабын?
Этэн ааспыппыт курдук, бу тэрилтэ оҥорон таһаарар бородууксуйатын кэккэтэ күн ахсын кэҥээн иһэр. Бииртэн биир кырасыабай, дууһаны абылыыр, куту-сүрү тутар оҥоһуктары киһи хараҕынан көрөн биһирээн көхтөөхтүк атыылаһыан эрэ сөп. Кинилэр инстаграмҥа аадырыстара @kamelek888, манна киирэн саҥа кэллиэксийэни кытта илэ-хоро билсиэххин сөп.
Дьокуускай куоракка маҕаһыыннарын аадырыһа:
— Ленин бэр. 26.
— “Айсберг” атыы-эргиэн киинэ, 2 этээс.
— Орджоникидзе уул. 19 г, 2 этээс.
Сиһилии билсэр төл.: 747-409.
Саха ыалын сандалыта – “Көмүлүөктээх” буоллун! Саҥа дьылы – “Истиҥ бэлэхтээх” көрсүҥ! Кэлэн иһэр Саҥа дьылынан!
Екатерина АФАНАСЬЕВА.