Томпо улууһун Тополинай нэһилиэгин олохтооҕо Петр Погодаев аатырбыт рокер Виктор Цой туһунан “Лето” диэн киинэҕэ анаан ырыалары толордо. Киинэ Виктор Цой тус олоҕун, айар үлэтин көрдөрүөхтээх. Погодаевы киинэ устааччылара YouTube ханаалга көрбүттэр. Кинини Цойга майгыннатан, режиссер Кирилл Серебренников ассистена ыҥырбыт. Погодаев киинэҕэ аҕыс ырыаны ыллаата, Цой оруолун кэриэй артыыһа Тео Ю оонньообут.
Петр Погодаев Цой ырыаларын 14 сааһыттан сөбүлээн истэр. Аан бастаан Тополинай кулуубугар «Муравейник» ырыаны толорбут. Бэйэтэ «Звезда по имени Солнце» ырыаны сөбүлүүр эбит. «Оскуола кэнниттэн Хаандыгаҕа бульдозерист идэтигэр үөрэнэ киирбтим. Ситэ үөрэммэккэ, Дьокуускайга баран диджейдээбитим. Билигин муусуканан дьарыктаныахпын баҕарабын, бэйэм ырыа айабын«, — диир.
Киинэ сүрэхтэниитэ бэс ыйын саҕаланыыта буолбут. Саундтрек Каннааҕы киинэ бэстибээлин бирииһин ылбыта. Интэриниэт-саайтарга билигин көрүөххэ сөп.
https://www.youtube.com/watch?v=MA5AD2h9V-I