Саха тылын, литэрэтиирэтин платформаҕа киллэрэн үөрэтэр соруктаахтар

Ааптар: 
Бөлөххө киир:

Саха тылын “Учи.ру” курдук үөрэх атын платформатыгар киллэрэр соруктаах үлэни ыыталларын туһунан СӨ үөрэҕин уонна наукатын миниистирин бастакы солбуйааччы Ирина Любимова иһитиннэрдэ.

edersaas.ru

Хамсык кэмигэр үөрэх туһунан кэпсэтиигэ миниистири бастакы солбуйааччы олоҕурбут көрүҥүнэн (очно) үөрэтии, биллэн турар, көдьүүһэ үрдүгүн бэлиэтиир. “Дистанционнай үөрэххэ учууталлар технологияны баһылаатылар, олус элбэх платформаҕа үөрэннилэр. Дьаҥ тарҕанарын саҕана саас биһиэхэ араас платформалары билиһиннэрбиттэрэ, сүбэлээбиттэрэ, сорохтор босхо үөрэниҥ диэн этии киллэрбиттэрэ. Биһиги ити платформаларга үлэлии үөрэннибит. Учуутал бэйэтигэр ханнык табыгастааҕынан туһанар. Үгүстэр “Учи.ру” туһаннылар. Биһиги бэйэбит эрэгийиэммитигэр сөп түбэһэр, төрөөбүт тылы үөрэтэр платформа баар буолуон баҕарабыт. Инньэ гынан, СӨ Үөрэҕи сайыннарар уонна идэ таһымын үрдэтэр институт саҥаны киллэриигэ үлэлэһэ сылдьар. Төрөөбүт тылы, литэрэтиирэни үөрэтэн көрүөхпүтүн баҕарабыт” – диэн Ирина Любимова бэрт суолталаах сонуну иһитиннэрдэ.

Итиэннэ ыраахтан олорон (дистанционно) үөрэтии дьаҥ, тымныы күннэргэ ордук табыгастаах диэн ыйар. Санатар буоллахха, урукку сылларга харантыын, актированнай күннэргэ үөрэҕи көтүтүү үгүс этэ. Ол биллэн турар, оҕо билии ыларын харгыстыыра. Онон мантан инньэ үөрэх тохтобула суох барар буолуоҕа.

Людмила ПОПОВА, “Саха сирэ” хаһыат, edersaas.ru

Хаартыска: news.1777.Ru

+1
0
+1
0
+1
0
+1
0
+1
0
+1
0
+1
0