Былатыан Ойуунускай аатынан Саха академическай тыйаатыра уонна «Саха» Национальнай көрдөрөр-иһитиннэрэр хампаанньа Саха АССР 100 сылын көрсө бииргэ үлэлэhии сөбүлэҥин чэрчитинэн холбоhуктаах бырайыактары тэрийэр туhунан кэпсэттилэр.
edersaas.ru
Саха тыйаатырын дириэктэрин солбуйааччы Анатолий Николаев уонна «Саха» НКиК генеральнай дириэктэрэ Олег Марков дириҥ хорутуулаах кэпсэтиилэригэр аныгы кэмҥэ бииргэ үлэлэһии туhунан санааларын атастастылар, билиҥҥи кэм драматургиятын, саха тылын эйгэтин, көлүөнэттэн көлүөнэҕэ бэриллэр сыаннастары ырыттылар.
Кэпсэтии сиэринэн, олунньу уонна кулун тутар ыйдарга саха телевидениетын уонна араадьыйатын пуондатыгар киирбит бастыҥ испэктээкиллэр киэҥ эйгэҕэ тахсыахтара. Ону таһынан Максим Горькай «Тимир Баасса» (режиссер Сергей Потапов), Баhылай Харысхал «Көмүөл» (Андрей Борисов) испэктээкиллэрэ толору уhуллан, таҥыллан сахабыт дьонугар бэртээхэй бэлэҕинэн буолуохтара.
Былаан быhыытынан бу испэктээкиллэр Арассыыйа ханаалларыгар эмиэ көстүөхтээхтэр.
Надежда ЕГОРОВА, «Саха сирэ» хаһыат, edersaas.ru