Бүгүн Саха тыйаатырын эркинигэр Z буукубалаах баннер ыйанна. Тыйаатыр кэлэктиибэ #СвоихНеБросаем аахсыйаҕа кыттарын биллэрдэ. Бу туһунан тыйаатыр пресс-сулууспата иһитиннэрдэ диэн ulus.media саайт суруйар.
Украинаҕа буола турар быһыыга-майгыга кытта сылдьар Арассыыйа аармыйатын өйүүр сыаллаах #СвоихНеБросаем аахсыйаҕа Арассыыйа кэлэктииптэрэ, уопсастыбанньыктар көхтөөхтүк кытталлар.
— Биһиги, Саха тыйаатырын артыыстара, айар интеллигенция бэрэстэбиитэллэрэ буоламмыт уопсастыба иннигэр улахан эппиэтинэстээхпит. Дойдубутугар бу уустук кэмҥэ сомоҕолоһон, өрө көтөҕүллүүлээхтик Арассыыйаны утары турбут судаарыстыбалар агрессияларыттан харыстыыр соруктаахпыт. Онон тыйаатырбыт аахсыйаҕа кыттарын бэлиэтээн, дьиэбит эркинигэр Z буукубалаах баннер ыйаатыбыт, онно репертуарбытын суруйдубут, — диэн дириэктэр Петр Макаров этэр. Бу аахсыйаны Олег Табаков аатынан Москватааҕы тыйаатыр саҕалаабыта. Маны Дьокуускайга Опера уонна балет тыйаатыра, Ем.Ярославскай аатынан мусуой өйөөтүлэр.
Манна диэн суруйдахха, Саха тыйаатырын кэлэктиибэ уонна идэлээх сойууһа кулун тутар бүтүүтэ өрөспүүбүлүкэ көҕүлээһинин өйөөн, Луганскай уонна Донецкай өрөспүүбүлүкэлэр тэскилээччилэригэр харчынан көмөлөрүн ыыппыттара.