Былатыан Ойуунускай аатынан Саха тыйаатыра Луганскай уонна Донецкай өрөспүүбүлүкэлэр олохтоохторугар гуманитарнай көмө аахсыйатын өйөөтө.
Тыйаатыр пресс-сулууспата иһитиннэрбитинэн, кулун тутар 25 күнүгэр Саха тыйаатырын дириэктэрэ Петр Макаров гуманитарнай көмө пуунугар тыйаатыр кэлэктиибин харчынан көмөтүн туттарда.
Баҕа өттүнэн көмө Саха тыйаатырын идэлээх сойуустарын бастакы сүһүөх тэрилтэтин бэрэссэдээтэлэ Семен Алексеев салалтатынан тэрилиннэ. Көмө аахсыйаҕа тыйаатыр артыыстара, айар үлэһиттэрэ уонна исписэлиистэрэ бары кытыннылар.
«Биһиэхэ Култуура үлэһиттэрин күнэ эппиэтинэстээх түгэнтэн саҕаланна. Биһиги кэлэктииппит бырааттыы судаарыстыбалар олохтоохторун өйүүр пуондаҕа бэйэтин кылаатын киллэрдэ. Биллэрин курдук, култуура бары норуоттары, омуктары холбуур аналлаах. Биһиги холобурбут бу судургута суох кэмҥэ дойду бэрэсидьиэнэ ылыммыт быһаарыытын суолтатын өйдүүргэ көҕүлүөҕэр эрэнэбит», -– диэтэ тыйаатыр дириэктэрэ Петр Макаров.
Надежда ЕГОРОВА, «Саха сирэ», edersaas.ru