«Саха талба-мааны таҥаһа» хаартысканан күрэс куоластааһына салҕанар
Күндү доҕоттор, «Саха талба-мааны таҥаһа» хаартысканан күрэс сэҥээрээччилэрэ!
Биһиги «Саха талба-мааны таҥаһа» хаартысканан күрэспит куоластааһына салҕанарын туһунан санатабыт. Куоластааһын бэс ыйын 23 күнүгэр киэһэ 17:00 чааска диэри ыытыллар.
Бастакы күн куоластааһын түмүгүнэн, бэс ыйын 18 күнүнээҕи туругунан, биэс бастыҥ кыттааччы (ТОП-5) инники күөҥҥэ таҕыстылар!
- Александровтар дьиэ кэргэттэрэ — 958 куолас;
- Обоева Татьяна Васильевна — 667 куолас;
- Яковлева Амелия Прокопьевна — 436 куолас;
- Львова Күнчээнэ Рустамовна — 436 куолас;
- Константинова Аксинья Алексеевна — 324 куолас.
Бу, биллэн турар, барыллаан эрэ түмүк, онон барыта өссө да уларыйыан сөп! Ким баҕарар кыайыылаах тахсар кыахтаах. Куоластааһын өссө да салҕанар.
Сөбүлээбит хаартыскаҕыт иһин куоласкытын биэрэн, бастыҥ дии санаабыт дьоҥҥутун өйөөҥ! Кыайыылааҕы бииргэ талыаҕыҥ!
Бары кыттааччыларга ситиһиини баҕарабыт! Сахалыы таҥас кэрэтин, сахабыт төрүт үгэстэрин үрдүктүк тутуоҕуҥ!
Куоластыыргытыгар бу сигэнэн киириҥ.
«Саха талба-мааны таҥаһа» хаартысканан куонкурус куоластааһына саҕаланна