«Саха талба-мааны таҥаһа» хаартысканан куонкурус бастакы кыттааччылара

Сахабыт сиригэр уйгу-быйаҥ ыһыахтар чугаһаабыттарынан, «Саха сирэ» хаһыат, edersaas.ru саайт «Саха талба-мааны таҥаһа» хаартысканан күөн күрэс биллэрбитэ. Бу күннэргэ номнуо бастакы кыттааччылар саха талба-мааны таҥаһын араас кэрэ өҥүн, быһыытын-таһаатын көрдөрөр чаҕылхай, кэрэ хаартыскалары ыыттылар.

Хаартыскалары бэс ыйын 16 күнүгэр диэри +7 964 428-11-45 нүөмэргэ ыытаҕыт.

Күрэскэ кыттыы усулуобуйата:

• — соҕотох эбэтэр дьиэ кэргэнинэн сахалыы таҥнан-симэнэн түспүт биир хаартысканы ыытаҕыт;
• — толору ааккытын суруйаҕыт;
• — улуускут, нэһилиэккит аатын ыйаҕыт;
• — төлөпүөҥҥүт нүөмэрэ.

Санатабыт, куоластааһын бэс ыйын 17-23 күннэригэр edersaas.ru саайтка ыытыллар. Кыайыылаах куоластааһын түмүгүнэн быһаарыллар. Түмүк бэс ыйын 24 күнүгэр тахсыаҕа.