2012 сыллаахха Норуот маастарын күнэ биллэриллиэҕиттэн саха народнай искусствота балысханнык сайынна.
edersaas.ru
Сылтан сыл норуот маастардара түмсэр тэрээһиннэрэ дириҥ ис хоһооннонон иһэр.
Быйыл куорат уулуссаларынан саха кыһыҥҥы таҥаһын кэтэн сэлэлээн хаамыы төрдүс сылын ыытылынна.
Тэрээһиҥҥэ Саха сиригэр олорор омуктар национальнай общиналара эмиэ кыттыыны ыллылар.
Үгүс хотугу улуустан аҕыйах ахсааннаах норуоттар табаларын сиэппитинэн Орджоникидзе болуоссатыгар эмиэ хаамсан киирдилэр.
Үгүс улуус бэрэстэбиитэллэрэ бэйэлэрин гиэрбэлэрин, улуустарын аатын тута сылдьаллара, сэлэлээн хаамыыны олус киэргэттэ.
Көрүөхтэн кэрэ көстүүлээх төрүт таҥаһы кэтэн кэлбит 20-чэ улуус бэрэстэбиитэллэрэ бэйэлэрин улуустарын уран тарбахтаахтара тикпит таҥастарын көрдөрөн, Дьокуускай куорат олохтоохторун уонна ыалдьыттарын сөхтөрдүлэр.
Елена ПОТОЦКАЯ, «Саха сирэ» хаһыат, edersaas.ru
Хаартыскаҕа ааптар түһэриитэ.