Народник-революционер Порфирий Войноральскай (1844 -1898) ыраахтааҕы былааһын утары баран, уон сылга бириигэбэрдэнэн, 1879 с. ыраах Саха сиригэр, таастаах Дьааҥыга сыылкаҕа кэлбит.
edersaas.ru
Дьааҥы куораттан 2,5 көстөөх Буустаах диэн нэһилиэккэ сэниэ ыалга олорбут. Сайдыылаах өйдөөх-санаалаах үөрэхтээх эдэр киһи быһыытынан, саха олоҕун-дьаһаҕын, ол иһигэр ынах сүөһүтүн кэрэхсээн үөрэппит.
Чинчийиитин түмүгүнэн, маннык чахчылары оҥорбут: саха ынаҕа сайын устата ыам айын 9 күнүттэн саҕалаан алтынньы 1 күнүгэр диэри ыатар, ол тухары 28 буут үүтү биэрэр, оттон этин ыйааһына күһүҥҥү идэһэҕэ 5-7 буут буолар, биир сүөһү кыһын устата аһыырыгар 80 буут окко наадыйар. Инньэ гынан, биэс кэргэннээх орто ыал төгүрүк сыл устатыгар аһыырыгар-сииригэр сүүрбэ сүөһүнү ииттиэн наада эбит диэбит. 140 сыл анараа өттүгэр саха сүөһүтүн туһунан сурукка киирэн хаалбыт чахчы маннык.
Иван КОЛЕСОВ, тыа хаһаайыстыбатын бэтэрээнэ, «Саха сирэ» хаһыат, edersaas.ru