Бүгүн, атырдьах ыйын 23 күнүгэр, М.К. Аммосов аатынан Саха судаарыстыбаннай университета (билигин Хотугулуу-Илиҥҥи федеральнай университет) тэриллибитэ 65 сылын бэлиэтиир диэн ХИФУ пресс-сулууспата иһитиннэрэр.
Бу бэлиэ күнүнэн устудьуоннары, выпускниктары уонна преподавателлэри ректор Анатолий Николаев эҕэрдэлиир:
«Бу күнтэн өрөспүүбүлүкэ сайдыытыгар тирэҕи уурбут, Саха сирин үгүс көлүөнэ олохтооҕор үөрэҕи, билиини иҥэрбит баай историялаах бастакы университеппыт үлэтин саҕалаабыта. Университеппыт кыра үрдүк үөрэх кыһатыттан билигин Уһук Илиҥҥэ уонна РФ Арктикатааҕы сиригэр бөдөҥ научнай-үөрэтэр киин буолла. Биһигини Арассыыйаҕа уонна дойду таһыгар ытыктыыллар», — диэн ректор этэр.
Ректор бэлиэтииринэн, уһун сыллаах сыралаах үлэ түмүгүнэн дойду инники күөҥҥэ сылдьар үрдүк үөрэҕин кыһаларын кытта сыһыаннаһыыны олохтооһун буолар.
«Университеты сайдар суолга туруорбут бастакы ректорга Авксентий Егорович Мординовка уонна атын салайааччыларга махтана саныыбыт», — диэн Анатолий Николаев бэлиэтиир.