Саха сириттэн сылдьар Елизавета Алексеева улахан куонкуруһу кыайда

Ааптар: 
Бөлөххө киир:

Бэрэсидьиэн платформаларын бырайыактарыттан биирдэстэринэн буолар “Арассыыйа – кыаҕы саҕар дойду” (“Россия – страна возможностей) Бүтүн Арассыыйатааҕы “Мин дойдум – мин Арассыыйам” куонкуруһун кыайыылаахтара билиннилэр. Куонкурус финалыгар киирбит 14-17 саастаах кыттааччылар икки күн устата онлайн көрүҥүнэн бэйэлэрин бырайыактарын көмүскээтилэр. Ол түмүгэр 21 кыайыылаах быһаарылынна. Кинилэр кэккэлэригэр — Саха сирин аатын көмүскүүр Елизавета Алексеева.

edersaas.ru

Елизавета Алексеева өрөспүүбүлүкэтээҕи лиссиэй-интэринээт үөрэнээччитэ, “Мин дойдум. Мин устуоруйам. Мин космоһым” номинацияҕа кыайыылааҕынан буолла. Аҕа дойду Улуу сэриитигэр уолаттарын сүтэрбит улуус ийэлэрин аатын үйэтитэргэ туһаайыллыбыт, улуустааҕы “Сомоҕо” оҕо уопсастыбаннай тэрилтэ “Кыайыы волонтердара” хамсааһынын бырайыагын билиһиннэрдэ. Күн бүгүн хамсааһыҥҥа 70-тан тахса киһи кыттар – үөрэнээччилэр, оҕо хамсааһыннарын көхтөөх кыттааччылара, оскуола бэйэни салайыныытын лидердэрэ, тэрийэр педагогтар, төрөппүттэр, түмэл уонна бибилэтиэкэ үлэһиттэрэ, сонуну киэҥник тарҕатар сириэстибэлэр, нэһилиэк олохтоохторо. Бырайыак иитинэн хамаанда 50 ахсаанынан “Ийэ сүрэҕэ — саллаакка” кинигэ-альбому таһаарбыта. Альбомҥа сэрии сылларыгар уолаттарын сүтэрбит ийэлэри үйэтитэн киллэрбиттэрэ. Ону таһынан, эмиэ бу курдук ааттаах биэриини бэлэмнээбиттэрин “Саха” НКИХ тэлэбиисэринэн көрдөбүтэ.

Биһиги көннөрү матырыйаалы эрэ хомуйбакка, “Ийэ сүрэҕэ — саллаакка” диэн өйдөбүнньүк кинигэ хомуурунньугун таһааран хас биирдии киһи туһанар уонна кинилэр дьылҕаларын көрдөрөр соруктаах этибит. Ону тэҥэ, Аҕа дойду Улуу сэриитин кэмигэр уолаттарын сүтэрбит ийэлэри көрдүүргэ уопсастыбаннас, үөрэнээччилэр, волонтердар болҕомтолорун туһаайыахпытын баҕарбыппыт. “Арассыыйа – кыаҕы саҕар дойду” платформа информационнай өйөбүлүнэн, атын эрэгийиэн олохтоохторун маннык бырайыактарга сирдээтэхпит!”, — диэн Елизавета санаатын үллэстэр.

Бүтүн Арассыыйатааҕы “Мин дойдум – мин Арассыыйам”  XVIII куонкурус быйылгы сезонугар дойду араас муннуктарыттан уонна тас дойдулартан, ол иһигэр Беларуссияттан, Украинаттан, Азербайджантан, Египеттан, Вьетнамтан, Великобританияттан, АХШтан, о.д.а. сирдэртэн 91 147 киһи кытынна. Арассыыйа 76 эрэгийиэниттэн уонна кэккэ тас дойдуттан кэтэхтэн түһүмэҕи ситиһиилээхтик ааһан, бырайыак финалыгар 762 кыттааччы киирдэ.

“Арассыыйа – кыаҕы саҕар дойду” кэмиэрчэскэйэ суох тэрилтэ генеральнай дириэктэрин солбуйааччы Алексей Агафонов: “Мин дойдум – мин Арассыыйам” куонкуруска сыллата бастакы боччумнаах көҕүлүүр бырайыактарын билиһиннэрэр тыһыынчанан үөрэнээччи кыттар. Быйыл 14-17 саастаахтарга финалга Арассыыйа 46 эрэгийиэниттэн 126 оҕо киирдэ. Саамай сүрүнэ, кинилэр үлэлэрин соторутааҕыта эрэ улахан саастаахтарга олоҕурбут көрүҥүнэн ыытыллыбыт түһүмэххэ кыттыбыттар экспиэрт быһыытынан сыаналаатылар. Эдэр финалистар бэйэлэрин идиэйэлэрин салгыы сайыннаралларыгар араас хайысха бастыҥ исписэлиистэрин сүбэлэрин ыллылар”, — диэн кэпсиир.

Куонкурус туһунан сиһилии ыйыллыбыт сигэнэн https://www.sakha.gov.ru/news/front/view/id/3285169  киирэн ааҕыҥ.

+1
0
+1
0
+1
0
+1
0
+1
0
+1
0
+1
0