Саха сириттэн ДНР уонна ЛНР олохтоохторугар 7 туонна гуманитарнай көмө хомулунна

Саха сирин олохтоохторо уопсайа 7 туонна гуманитарнай көмөнү Донецкай уонна Луганскай норуодунай өрөспүүбүлүкэлэр олохтоохторугар анаан хомуйдулар. Бу көмө өйүүн, муус устар 21 күнүгэр, тэскилээччилэргэ көмө быһыытынан айанныаҕа диэн СИА иһитиннэрэр.

«Бүгүн аэропуорт таһаҕаһы тутар ыскылаатыгар 7 туонна гуманитарнай көмөбүтүн ыытабыт. Манна ас, оҕо аһа, суунар мал баар. Гуманитарнай көмөнү өрөспүүбүлүкэ бары улуустарыттан ыыттылар. Тэрилтэлэргэ, уопсастыбаннай тэриллиилэргэ, судаарыстыбаннай учреждениеларга, институттарга, мусуойдарга махтанабыт. Өйүүн «Аэрофлот» хампаанньа сөмөлүөтэ таһаҕаһы Донецкайга уонна Луганскайга тиэрдиэҕэ», — диэн тас сибээскэ миниистири солбуйааччы Сергей Хатылыков этэр.

Гуманитарнай көмө пууна Дьокуускайга Орджоникидзе уулусса 10 №-дээх дьиэтин иккис этээһигэр аактабай саалаҕа баар. Пуун күннэтэ 10-20 ч. үлэлиир. Б.т. : +7 (4112)-50-88-93, +7 (4112)-50-88-92.

Мария Васильева (СИА) хаартыскалара.