Саха сирин ЫБММ баһаары сэрэтэр тэрили туруоттарарга ыҥырар

Ааптар: 
Бөлөххө киир:

Арассыыйа Ыксаллаах быһыыга-майгыга министиэристибэтин Саха сиринээҕи сүрүн управлениетын уонна СӨ Баһаары утары судаарыстыбаннай сулууспатын үлэһиттэрэ «Предупреди пожар — установи АДПИ» (автономный дымовой пожарный извещатель) социальнай аахсыйаны өйөөтүлэр диэн СИА-ҕа тустаах биэдэмистибэ пресс-сулууспата иһитиннэрэр. 

Аахсыйа ис хоһооно — кыттааччы бу тэрили атыылаһан, чугас дьонун, доҕотторун, элбэх оҕолоох ыал о.д.а. дьиэтигэр туруоттарыахтаах, хаартыскаҕа түһэрэн «Инстаграмҥа» таһаарыахтаах уонна салгыы эстафетаны ыытыахтаах.

Бу аахсыйаны Горнай оройуонун надзорнай уонна профилактическай үлэҕэ салаатын начаалынньыга Ньургуйаана Федорова уонна Баһаары утары судаарыстыбаннай сулууспа 16-с этэрээтин начаалынньыга Илья Семенов өйөөтүлэр. Кинилэр Дьокуускайга олорор икки ыал дьиэтин баһаары сэрэтэр тэрилинэн хааччыйдылар. Итиэннэ бу эстафетаны салгыы Бүлүүгэ уонна Сунтаарга баар кэллиэгэлэригэр ыыттылар.

Тустаах аахсыйа Дьокуускайга муус устар 22 күнүттэн СӨ Нэһилиэнньэтин олоҕор куттал суоһаабатын хааччыйар судаарыстыбаннай кэмитиэтэн көҕүлээһининэн саҕаламмыта.

СИА.

+1
0
+1
0
+1
0
+1
0
+1
0
+1
0
+1
0