Саха сирин устудьуона Россия оборонатын министиэристибэтин бэлиэтин ылла
Балаҕан ыйын 12 күнүгэр Дьокуускай автодорожнай техникумун устудьуона Максим Аргуновка Россия оборонатын министиэристибэтин түөскэ анньынар бэлиэтин туттарыдылар.
Кини бу наҕарааданы ааспыт сылга Илиҥҥи байыаннай уокурукка ыытыллыбыт «Восток-2018» диэн улахан байыаннай үөрэтиигэ кыттыытын иһин ылла.
Техникум устудьуона Максим Аргунов иккис кууруһу бүтэрэн Бурятияҕа Улан-Удэ куоракка аармыйаҕа сулууспалыы барбыт. Сулууспатын кэмигэр 2018 сыл балаҕан ыйын 11-17 күннэригэр Россия оборонаҕа миниистирэ, аармыйа генерала Сергей Шойгу салалтатынан улахан байыаннай үөрэтиигэ кыттыбыт.
«Восток-2018» диэн ВДВ десантнай-штурмовой холбоһугун сэриилэһиигэ туһаныллар саҥа ньымаларын бэрэбиэркэтэ ыытыллыбыт. Россия аармыйатыгар маннык улахан үөрэтии 1981 сыл кэннэ бастакытын ыытыллыбыт. Кыттааччылар бары тустаах бэлиэнэн наҕараадаламмыттар.
nvk-online.ru сайтан.
#саха_нких_сонуннара