Саха сирин улахан нэһилиэнньэтин 72,73%-а коронавируһу утары быһыыны ылла

Ахсынньы 27 күнүнээҕи дааннайдарынан, Саха сирин улахан нэһилиэнньэтин 72,73%-а коронавируһу утары быһыыны ылбыт, Дьокуускайга — 75,90%. Бу туһунан Ил Дархан уонна Бырабыыталыстыба дьаһалтатын пресс-сулууспата иһитиннэрэр.

Лиидэрдэринэн Аллайыаха, Аллараа Халыма, Орто Халыма, Үөһээ Халыма уонна Муома улуустара буолаллар. Оттон Аммаҕа, Мииринэйгэ, Үөһээ Бүлүүгэ, Намҥа уонна Чурапчыга быһыыны ылыы тэтимэ бытаан.