Алтынньы 29 күнүнээҕи туругунан, Саха сиригэр коронавируһу утары быһыыны ылыы 54,25 бырыһыаҥҥа тэҥнэстэ, Дьокуускайга — 55,61 %.
Киин улуустарга Хаҥалас улууһа бастыҥ көрдөрүүлээх. Манна нэһилиэнньэ 55,15 %-а быһыыны ылбыт. Салгыы Таатта — 53,85 %, Мэҥэ Хаҥалас — 52,57 %, Горнай — 50,67 %, Амма — 48,51 %. Бу бөлөххө Нам, Чурапчы, Уус Алдан улууһун нэһилиэнньэтэ ордук көҕө суох эбит.
Өрөспүүбүлүкэ соҕуруулуу-арҕааҥҥы улуустарыгар Ленскэй улууһа инники күөҥҥэ сылдьар — 60,22 %. Онтон Алдан — 60,08 %, Ньурба — 57,36 %, Бүлүү — 55,04 %, Сунтаар — 51,44 %. Нерюнгри, Үөһээ Бүлүү, Мииринэй улуустара хаалан иһэллэр.
Арктика улуустарыгар Аллайыаха улууһугар элбэх киһи быһыыны ылбыт — 77,42%. Салгыы Муома — 74,78 %, Үөһээ Халыма — 71,29 %, Аллараа Халыма — 70,39 %, Орто Халыма — 68,96 %. Оттон Булуҥ, Эбээн Бытантай, Дьааҥы улуустарыгар быһыыны ылыы тэтимэ намыһах.
Илиҥҥи улуустарга: Уус Майаҕа — 62,03 %, Өймөкөөҥҥө — 61,60 %, Томпоҕо — 53,80 %.