“Норуодунай участковай» Бүтүн Арассыыйатааҕы күрэх түмүктүүр түһүмэҕэ саҕаланан, Саха сириттэн полиция участковай боломуочунайа Игорь Будаев кыттар.
Арассыыйа бастыҥ участковайын талыы онлайн-куоластааһына «Комсомольская правда» порталыгар ыытыллар.
Ис дьыала министиэристибэтин Мииринэйдээҕи салаатын полиция участковай боломуочунайа Игорь Будаев бу сылга эрэгийиэннээҕи күрэххэ бастыҥынан буолбута. Кини интэриниэт-куоластааһыҥҥа саамай элбэх куолаһы ылан, кыайыылаах буолбута.
Күрэх үһүс түһүмэҕэ сэтинньи 1 күнүттэн 10 күнүгэр диэри ыытыллар. Манна Арассыыйа бары субъектарыттан полиция үлэһиттэрэ кытталлар.
Онон, сэтинньи 10 күнүгэр диэри Саха сирин олохтоохторо социальнай ситимнэргэ баар аккауҥҥутуттан «Комсомольская правда» порталыгар киирэн Игорь Будаевка куоластыаххытын сөп.
edersaas.ru
+1
+1
+1
+1
+1
+1
+1