Балаҕан ыйын 27 күнүттэн алтынньы 26 күнүгэр диэри «Саха сирин талааннара» диэн өрөспүүбүлүкэтээҕи кадровай куонкуруска сайаапкалары туталлар. Бырайыакка кыттарга 18-45 саастаах устудьуоннары, эдэр исписэлиистэри, салайааччылары ыҥыраллар.
Куонкуруһу СӨ Ыччат бэлиитикэтигэр уонна социальнай коммуникацияларга министиэристибэ Инновационнай менеджмент үрдүкү оскуолатын кытта тэрийэн ыыталлар.
Кыттааччылар түөрт түһүмэҕи ааһыахтара. Хас биирдии түһүмэххэ кыттааччы саҥа билиини ылыаҕа, бэйэтигэр туһалааҕы билиэ-көрүө диэн тэрийээччилэр бэлиэтииллэр.
«Саха сирин талааннара» куонкурус финалыгар 300 киһи ааһыа. Кинилэр «LAB.TALENT» бырагырааманан үөрэниэхтэрэ. Оттон 10 кыайыылаах дойду уонна аан дойду бастыҥ үөрэхтэрин кыһаларыгар үөрэнэргэ граннары ылыахтара.
Сиһилии: https://komanda.sakha.gov.ru/ru-RU/ya-talant
СИА хаартыската.